16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Ուկրաինան կապի մեջ է Թուրքիայի հետ՝ ավելի շատ «Բայրաքթար»-ներ ձեռք բերելու համար
Քաղաքականություն
01.03.2022 | 19:58
Մեծ Բրիտանիայում Ուկրաինայի դեսպան Վադիմ Պրիստայկոն հայտարարել է, որ Ուկրաինան կապի մեջ է Թուրքիայի հետ՝ Ռուսաստանի հարձակման ֆոնին ավելի շատ մարտական անօդաչու թռչող սարքեր ձեռք բերելու համար, գրում է Duvar-ը՝ վկայակոչելով BBC-ի թուրքական ծառայությունը։
«Մենք չունենք մեր հարվածային անօդաչու թռչող սարքերը, փորձում ենք արտադրել մի տեսակ, որը մենք անվանում ենք «Կամիկաձե»: Ի դեպ, մենք օգտագործում ենք տարբեր երկրների հետախուզական անօդաչու սարքեր։ Թուրքիայի հետ կապի մեջ ենք։ Թուրքիան մեզ մատակարարում է անօդաչուներ, սակայն մենք դեռ հեռու ենք դրանք արդյունավետ օգտագործելուց, բավարար մասշտաբի չենք հասել։ Ունենք բավականաչափ անօդաչու թռչող սարքերի օպերատորներ, և նրանք ներկայումս վերապատրաստվում են Թուրքիայում»,- ասել է Ուկրաինայի դեսպանը։
Էմմա Չոբանյան
