Խթանելով ընթերցանությունը. «օրվա հաղթողները» պարգևատրվել են խրախուսական նվերներով

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

ՀՀ կրթության, գիտության, մշակույթի և սպորտի նախարար Վահրամ Դումանյանն ընդունել է Գիրք նվիրելու օրվա առթիվ կազմակերպված մրցույթի «օրվա հաղթողներին» (10 աշակերտ) և նրանց հանձնել շնորհակալագրեր ու խրախուսական նվերներ: Միջոցառմանը ներկա է եղել նաև նախարարի տեղակալ Ժաննա Անդրեասյանը:

Մրցույթը փետրվարի 10-19-ը կազմակերպվել էր 10-րդ, 11-րդ և 12-րդ դասարանների աշակերտների համար: Նախարարության ֆեյսբուքյան հարթակում հրապարակվել են հայ և համաշխարհային գրականությունից հատվածներ, և աշակերտների խնդիրն էր որոշել՝ «Ո՞ր ստեղծագործությունից է մեջբերումը, և ո՞վ է հեղինակը» (օրական 1 հրապարակում):

Մրցույթի նպատակն էր բարձր դասարանների աշակերտների շրջանում խրախուսել ընթերցանությունը, հանրահռչակել հայ և համաշխարհային գրողներին, նրանց ստեղծագործությունները, հետաքրքրություն սերմանել գրքի ու գրականության նկատմամբ:

Նախարար Վահրամ Դումանյանը շնորհավորել է աշակերտներին խորհրդանշական հաջողության կապակցությամբ՝ միաժամանակ ողջունելով բոլոր մասնակիցներին, որոնք նույնպես, թեև ցանկանում էին հաղթել, բայց չեն հասցրել առաջինը հատել գիծը:

«Մեր ապագան պետք է տեսնենք կրթության մեջ: Յուրաքանչյուր հաջողության սկզբնաղբյուրը կրթությունն է՝ ճիշտ մտածելակերպի ձևավորմամբ, որն էլ հզորության և անվտանգության հիմքն է»,- ասել է նախարարը:

Նախարարը հետաքրքրվել է՝ ինչ մասնագիտական կողմնորոշում ունեն աշակերտները, և վստահեցրել, որ պետությունն անում է ամենայն հնարավորը՝ կրթության որակը բարելավելու և սովորողներին աջակցելու համար:

Նշենք, որ մրցույթում աշակերտներն ապահովել են բարձր մասնակցայնություն. բոլոր 10 հրապարակումների մեկնաբանություններում գրվել է ավելի քան 5450 պատասխան:

Աշակերտներին ողջունել է նաև նախարարի տեղակալ Ժաննա Անդրեասյանը՝ ընդգծելով թեմայի նկատմամբ հետաքրքրության կարևորությունը. «Աշակերտների մասնակցության բարձր ցուցանիշը վկայում է, որ կարևորում եք ընթերցանությունը: Տեղեկատվական առատ հոսքի մեջ նկատելը և մրցույթով հետաքրքրվելն ուսուցչի աշխատանքի արդյունքն են: Այդ իսկ պատճառով առանձնակի շնորհակալություն եմ հայտնում մանկավարժներին, որոնք ձեր շրջանում գրքի նկատմամբ հետաքրքրություն են սերմանել»:

«Վստա՛հ եղեք, որ ըստ ԿԳՄՍ նախարարության որդեգրած սկզբունքի՝ ուսուցիչը պետք է լինի հասարակության մեջ ամենահարգված մարդու կարգավիճակում, ամենապատկառելի դերում»,- հավելել է նախարարը:

Աշակերտները շնորհակալություն են հայտնել նախաձեռնության համար, կարևորել նմանօրինակ մրցույթների նշանակությունն ընթերցանության խրախուսման, խթանման և առհասարակ ընթերցասերների գնահատման, նրանց ոգևորելու տեսանկյունից:

«Ամեն օր սպասում էի օրվա հրապարակմանը: Տեսնում էի, որ թեժ պայքար է ու այդ պայքարում ինքս ինձնից մեծ սպասելիքներ ունեի. շատ էի ուզում հաղթել»,- ասել է Երևանի թիվ 159 դպրոցի 11-րդ դասարանի աշակերտուհի Անուշ Գասպարյանը:
Մրցույթի 2-րդ օրվա հաղթող, տասնյակի արական սեռի միակ ներկայացուցիչ Ադիբեկ Գևորգյանն էլ նշել է, որ նման միջոցառումները լավ խթան են վաղ տարիքից ընթերցանությամբ զբաղվելու և մրցույթներում հաղթանակի հնարավորությունները մեծացնելու համար:

Վերջին օրվա հաղթողը՝ Անուշ Առաքելյանը, ոգևորությամբ պատմել է, որ համառորեն պատասխանել է բոլոր հրապարակումներին՝ գործի դնելով թե՛ գիտելիքը, թե՛ հմտությունները:

«Հույսս չէի կորցնում, որ հաղթողներից մեկն էլ ես եմ լինելու: Վերջին օրվա ստեղծագործական հատվածը Հովհաննես Թումանյանի «Դեպի անհունը» պոեմից էր: Դասարանում ուսուցչի հետ կարդացել էինք, ու հատվածն ինձ ծանոթ էր: Շատ ուրախ եմ, որ հաղթողներից մեկն եմ»,- ասել է Անուշը՝ նշելով, որ թեև որոշել է դառնալ ծրագրավորող, բայց կարևորում է բազմակողմանի զարգացվածությունը և շատ է սիրում ընթերցել:

Հավելենք, որ առաջիկայում ևս ԿԳՄՍ նախարարությունը նախատեսում է կազմակերպել թեմատիկ մրցույթներ դպրոցական տարբեր տարիքային խմբերի համար: