16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԵԽ-ում Զելենսկիի ելույթից առաջ և հետո դահլիճում բուռն ծափեր են հնչել․ թարգմանիչը հուզվել է
Քաղաքականություն
01.03.2022 | 17:11
Ուկրաինայի նախագահ Վլադիմիր Զելենսկին դիվանագետների կողմից բուռն ծափահարությունների է արժանացել Եվրախորհրդարանում տեսակապով ելույթի ժամանակ՝ ներկաներին հայտարարելով, որ իր երկիրը «կռվում է գոյատևման համար», գրում է CNN-ը:
«Մենք պայքարում ենք միայն մեր հողի և մեր ազատության համար։ Մենք ցանկանում ենք ողջ տեսնել մեր երեխաներին: Ես կարծում եմ, որ դա արդարացի է»,- Զելենսկիի այս հայտարարության ժամանակ թարգմանիչը հուզվել է։
«Մենք պայքարում ենք մեր կյանքի համար… Բայց մենք պայքարում ենք նաև Եվրոպայի իրավահավասար անդամներ լինելու համար»,- հավելել է նա։
Ուկրաինայի նախագահի ելույթից առաջ և հետո դահլիճում բուռն ծափահարություններ են հնչել։
Հիշեցնենք՝ Զելենսկին երկուշաբթի խնդրել է Ուկրաինային արագացված գործընթացով ընդգրկել ԵՄ կազմում։
Տաթև Ֆռանգյան
