10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Բռնցքամարտ. Անի Հովսեփյանը դարձել է Ստրանջայի մրցաշարի բրոնզե մեդալակիր
01.03.2022 | 16:09
Բռնցքամարտի Հայաստանի կանանց հավաքականի անդամ, 70 կգ քաշային Անի Հովսեփյանը բրոնզե մեդալ է նվաճել Բուլղարիայում կայացած Ստրանջայի 73-րդ մրցաշարում․ տեղեկացնում են ԿԳՄՍՆ-ից։
Բացի Անի Հովսեփյանից՝ մրցաշարին մասնակցել են նաև Լիլիթ Դալլաքյանը (48 կգ) և Անուշ Գրիգորյանը (50 կգ): Հայ մարզուհիները մրցավայր են մեկնել մարզիչ Հակոբ Մելքոնյանի գլխավորությամբ:
Նշենք՝ բռնցքամարտի Հայաստանի տղամարդկանց հավաքականն էլ Կարեն Աղամալյանի գլխավորությամբ Օլիմպավանում սկսել է այս տարվա երկրորդ հավաքը, որով նախապատրաստվում է մարտի 11-ին Խորվաթիայում մեկնարկող մինչև 22 տարեկանների Եվրոպայի առաջնությանը և մայիսի 21-ին Երևանում կայանալիք մեծահասակների Եվրոպայի առաջնությանը։
Հավաքին հայ բռնցքամարտիկների հետ մասնակցում են նաև Իսրայելի բռնցքամարտիկները։
Ուսումնամարզական երկրորդ հավաքը կավարտվի մարտի 9-ին։
