07.11.2024 | 12:55
Վերջնական համաձայնեցում պայմանագրի բոլոր դրույթների վերաբերյալ այս պահին չկա. Վահան Կոստանյան․ ՏԵՍԱՆՅՈՒԹ
ՌԴ-ում հակապատերազմական ցույցերի ժամանակ ավելի քան 6400 մարդ է ձերբակալվել
Քաղաքականություն
01.03.2022 | 20:07
Ռուսաստանում Ուկրաինա ռուսական ռազմական ներխուժումից հետո տեղի ունեցած հակապատերազմական գործողությունների ընթացքում ձերբակալվել է ավելի քան 6440 մարդ, DW-ի հաղորդմամբ՝ նման տվյալներ է ներկայացրել ՕՎԴ-Ինֆո իրավապաշտպան նախագիծը։
Ամենաշատ ձերբակալությունները Մոսկվայում են՝ առնվազն 3126 մարդ։ Սանկտ Պետերբուրգում մոտ 2100 մարդ է բերման ենթարկվել։ Մյուս քաղաքներում ձերբակալվածների թիվը չի գերազանցել քառանիշ նշագիծը, նշել են իրավապաշտպանները։
«Մենք արձանագրել ենք 103 քաղաք, որտեղ վերջին հինգ օրվա ընթացքում հակապատերազմական գործողությունների ժամանակ ձերբակալություններ են եղել»,- հայտնել է ՕՎԴ-Ինֆոն։
Ուկրաինայում Ռուսաստանի ռազմական միջամտությունն արժանացել է բազմաթիվ երկրների խիստ դատապարտմանը: Ուկրաինայի հետ համերաշխության ակցիաներ են սկսվել բազմաթիվ շրջաններում։ Մի շարք երկրներ նոր պատժիչ միջոցներ են կիրառել Ռուսաստանի Դաշնության դեմ։ ՌԴ նախագահ Վլադիմիր Պուտինը և արտգործնախարար Սերգեյ Լավրովը ներառվել են ԱՄՆ-ի, Եվրամիության, Մեծ Բրիտանիայի, Ավստրալիայի և Կանադայի պատժամիջոցների ցուցակներում։
Տաթև Ֆռանգյան
