16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
ՌԴ-ի անդամակցությունը G20-ին պետք է վերանայվի․ Ավստրալիայի վարչապետը կողմ է Մոսկվային հեռացնելուն
Քաղաքականություն
01.03.2022 | 14:41
Ավստրալիայի վարչապետ Սքոթ Մորիսոնը հայտարարել է, որ իր երկիրն Ուկրաինային 105 մլն դոլարի ռազմական և հումանիտար աջակցություն կցուցաբերի։ Նա նաև նշել է, որ կաջակցի ՌԴ-ին G20-ից (Մեծ քսանյակ) դուրս մղելուն, գրում է The Conversation-ը։
Ուկրաինային օգնության փաթեթը ներառում է 70 միլիոն դոլար՝ մահաբեր և ոչ մահաբեր աջակցության, և 35 միլիոն դոլար՝ մարդասիրական օգնություն համար:
Մորիսոնը նաև նշել է, որ G20-ին ՌԴ-ի անդամակցությունը պետք է վերանայվի։
«Մենք, մեր դաշնակիցների և գործընկերների հետ միասին, ձգտում ենք առավելագույն գին պարտադրել Ռուսաստանին, Մոսկվան ինքն է ընտրել լինել վտարանդի պետություն։ G20-ից Ռուսաստանին հեռացնելը կպահանջի կազմակերպության անդամների կոնսենսուսը, որն այս տարի նախագահում է Ինդոնեզիան»,- ասել է Ավստրալիայի վարչապետը՝ հավելելով, որ հարցը քննարկվում է Ինդոնոզիայի հետ։
Բացի այդ, G20-ի անդամ է նաև Չինաստանը և, ենթադրաբար, դեմ կլինի Ռուսաստանի հեռացմանը։
Հիշեցնենք՝ ավելի վաղ էլ Ավստրալիան հայտնել էր, որ պատժամիջոցներ է սահմանում ՌԴ նախագահ Վլադիմիր Պուտինի և երկրի ղեկավար կազմի այլ ներկայացուցիչների դեմ։
Էմմա Չոբանյան
