19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
G7-ի երկրները որոշել են ուժեղացնել Ռուսաստանի դեմ պատժամիջոցները
27.02.2022 | 23:32
Մեծ յոթնյակի երկրների արտգործնախարարները հանդիպմանը, որին մասնակցել է նաև Ուկրաինայի արտգործնախարար Դմիտրի Կուլեբան, պայմանավորվել են շարունակել պաշտպանական զենք մատակարարել Ուկրաինային, ՌԻԱ Նովոստի-ի փոխանցմամբ՝ ասել է Մեծ Բրիտանիայի արտգործնախարար Լիզ Թրասը։
«Կարևոր հանդիպում G7-ի արտգործնախարարների և Ուկրաինայի միջև: Մենք հստակ դիրքորոշում ունենք. Պուտինը պետք է պարտվի, և Ուկրաինայի ինքնիշխանությունը վերականգնվի: Մենք պայմանավորվեցինք շարունակել Ուկրաինային պաշտպանական զենք և տեխնիկա մատակարարել»,- Twitter-ում գրել է Թրասը:
Կողմերը պայմանավորվել են նաև ավելացնել պատժամիջոցները՝ Ռուսաստանի տնտեսությանը վնաս հասցնելու համար։
Ավելի վաղ ՌԴ նախագահ Վլադիմիր Պուտինը հանձնարարել է ռուսական բանակի զսպող ուժերը մարտական հերթապահության հատուկ ռեժիմի բերել։
Փետրվարի 24-ին ՌԴ նախագահ Վլադիմիր Պուտինը հայտարարել է Ուկրաինայում հատուկ ռազմական գործողության մասին՝ ի պատասխան Դոնբասի հանրապետությունների ղեկավարների օգնության դիմումի։ Դրանից հետո ԱՄՆ-ը, ԵՄ-ն, Մեծ Բրիտանիան, ինչպես նաև մի շարք այլ երկրներ հայտարարել են, որ պատժամիջոցներ են սահմանում ռուս ֆիզիկական և իրավաբանական անձանց դեմ։
Հիշեցնենք, որ Եվրահանձնաժողովի նախագահ Ուրսուլա ֆոն դեր Լյայենը հաստատել է Եվրամիության և նրա գործընկերների մտադրությունը՝ սառեցնել Ռուսաստանի Կենտրոնական բանկի ակտիվները և արգելափակել SWIFT համակարգին ռուսական որոշ բանկերի մուտքը։ Եվրամիությունն ամբողջությամբ փակում է իր երկրների օդային տարածքը ռուսական ինքնաթիռների համար։
Ռուսական ավիաընկերությունների համար իրենց օդային տարածքն են փակել Սլովենիան, Լատվիան, Լիտվան, Ռումինիան, Չեխիան, Լեհաստանը և Կանադան։ «Ռոսավիացիան» ի պատասխան սկսել է փակել Ռուսաստանի օդային տարածքը այս երկրների ավիաընկերությունների համար։
Important meeting with G7 🇬🇧🇺🇸🇨🇦 🇯🇵🇫🇷🇩🇪🇮🇹🇪🇺 and🇺🇦 FMs. We are clear Putin must fail and sovereignty restored. We agreed to continue to:
— Liz Truss (@trussliz) February 27, 2022
🛡supply defensive weapons and equipment to Ukraine
📉escalate sanctions to debilitate the Russian economy
🌍 call out Putin in global fora pic.twitter.com/KBXABwfBq0
