07.10.2026 | 23:48
Արթուր Դանիելյանը կալանավորվեց
ՌԴ-ն միջուկային ուժերը բերում է մարտական հերթապահության հատուկ ռեժիմի
Քաղաքականություն
27.02.2022 | 19:12
ՌԴ նախագահ Վլադիմիր Պուտինը հանձնարարել է ռուսական բանակի զսպող ուժերը մարտական հերթապահության հատուկ ռեժիմի բերել։
«ՆԱՏՕ-ի առաջատար երկրների բարձրաստիճան պաշտոնյաները նույնպես թույլ են տալիս ագրեսիվ հայտարարություններ անել մեր երկրի դեմ, ուստի պաշտպանության նախարարին և գլխավոր շտաբի պետին հանձնարարում եմ ռուսական բանակի զսպիչ ուժերը բերել մարտական հերթապահության հատուկ ռեժիմի»,- ՏԱՍՍ-ի հաղորդմամբ՝ ասել է Պուտինը Կրեմլում պաշտպանության նախարար Սերգեյ Շոյգուի և ՌԴ ԶՈւ գլխավոր շտաբի պետ Վալերի Գերասիմովի հետ հանդիպմանը։
Ըստ Պուտինի՝ արևմտյան երկրները Ռուսաստանի դեմ ոչ բարեկամական գործողություններ են իրականացնում նաև տնտեսական ոլորտում։ «Ես նկատի ունեմ ոչ լեգիտիմ պատժամիջոցները, որոնց մասին բոլորը քաջատեղյակ են»,- ասել է նա։
Ինչպես փոխանցում է НТВ-ն, Ռազմավարական զսպման ուժերը ներառում են Ռազմավարական հարձակողական ուժերը և Ռազմավարական պաշտպանական ուժերը: Ռազմավարական հարձակողական ուժերի հիմքը կազմում են Ռազմավարական միջուկային ուժերը, որոնք իրենց մեջ ներառում են ռազմավարական նշանակության Հրթիռային ուժերը՝ միջմայրցամաքային հեռահարության հրթիռային և ավիացիոն համակարգերը։
