26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Կիևում 18.000 միավոր զենք և սպառազինություն է բաժանվել պահեստազորայիններին
Քաղաքականություն
25.02.2022 | 15:22
Ուկրաինայի իշխանությունները հայտնել են, որ հինգշաբթի վաղ առավոտյան ռուսական ներխուժման սկսվելուց հետո միայն Կիևի մարզում մոտ 18.000 միավոր զենք և սպառազինություն է բաժանվել պահեստազորայիններին, հաղորդում է CNN-ը:
Համատեղ հայտարարության մեջ պաշտպանության նախարար Ալեքսեյ Ռեզնիկովը և Զինված ուժերի գլխավոր շտաբի պետ Վալերի Զալուժնին հայտարարել են, որ սպառազինության նոր խմբաքանակ ևս կստանան։
«Շուտով մենք ժամանակակից զինամթերքի և այլ միջոցների հավելյալ աջակցություն կստանանք մեր գործընկերներից»,- հայտնել են նրանք։ Երեկ Ուկրաինայի նախագահ Վլադիմիր Զելենսկին հրամայել է համազգային զորահավաք անցկացնել։ Զելենսկին ասել է, որ «պետության պաշտպանությունն ապահովելու, Ուկրաինայի Զինված ուժերի և այլ ռազմական կազմավորումների մարտական և մոբիլիզացիոն պատրաստականությունը պահպանելու համար» կարգադրվել է լայնածավալ մոբիլիզացիա, այդ թվում՝ մայրաքաղաք Կիևում և Ուկրաինայի բոլոր հիմնական զորամասերում։ Սա ներառում էր 18-ից մինչև 60 տարեկան բոլոր արական սեռի քաղաքացիների՝ երկրից դուրս գալու արգելքը՝ ըստ Պետական սահմանապահ ծառայության:
Տաթև Ֆռանգյան
