26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
ՌԴ-ի հարձակման հետևանքով 57 ուկրաինացի է զոհվել․ Ուկրաինայի ԱՆ ղեկավար
Քաղաքականություն
25.02.2022 | 00:24
Ուկրաինայի վրա ՌԴ-ի հարձակման հետևանքով զոհվել է 57, վիրավորվել՝ 169 ուկրաինացի։ Այս մասին հայտնել է Ուկրաինայի առողջապահության նախարար Վիկտոր Լյաշկոն, փոխանցում է ՈՒՆԻԱՆ-ը։
«Օպերատիվ տեղեկատվության համաձայն՝ արդեն կա 57 զոհ և 169 վիրավոր։ Մենք հիմա չենք բաժանում մարդկանց զինվորականների և ոչ զինվորականների։ Նրանք ուկրաինացիներ են, որոնք, ցավոք, տուժում են պատերազմից և մեր երկրի տարածք ներխուժած զավթիչների գործողություններից»,- ասել է նախարարը TCH-ին տված հարցազրույցում։
Լյաշկոն նշել է, որ ռուսական ԶՈՒ-ն գնդակոծում է նաև Ուկրաինայի հիվանդանոցները։
«Մարտեր և հրետակոծություններ են ընթանում Ավդեևկայում, որտեղ կա Ուգլեդարի հիվանդանոցը։ Գնդակոծվել է շտապօգնության մեքենան և հենց հիվանդանոցը»,- ասել է պաշտոնյան։
