16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Ռուսական օկուպացիոն ուժերը փորձում են գրավել Չեռնոբիլի ատոմակայանը․ Զելենսկի
Քաղաքականություն
24.02.2022 | 21:46
Ռուսական օկուպացիոն ուժերը փորձում են գրավել Չեռրնոբիլի ատոմակայանը։ Այս մասին իր թվիթերյան էջում գրել է Ուկրաինայի նախագահ Վլադիմիր Զելենսկին։
«Մեր պաշտպաններն իրենց կյանքը տալիս են, որ 1986-ի ողբերգությունը չկրկնվի։ Այս մասին ես տեղեկացրել եմ Շվեդիայի վարչապետին։
Սա պատերազմ է՝ հայտարարված ողջ Եվրոպային»,-գրել է Զելենսկին։
Հիշեցնենք, որ ավելի վաղ Ուկրաինայի ՆԳՆ ղեկավարի խորհրդական Անտոն Գերաշչենկոն հայտարարել էր, որ Բելառուսի տարածքից ռուսական զորքերը մտել են Չեռնոբիլի ատոմակայանի գոտի
«Ազգային գվարդիականները, որոնք հսկում են ոչ անվտանգ ռադիոակտիվ թափոնների պահեստը, համառ դիմադրություն են ցույց տալիս: Եթե միջուկային թափոնների պահեստը ոչնչացվի «անհավատների» հրետանային հարվածների արդյունքում, ապա ռադիոակտիվ փոշին կարող է ծածկել Ուկրաինայի, Բելառուսի և ԵՄ երկրների տարածքները»,- ասել էր նա:
