07.11.2024 | 09:30
ՀՀ տարածքում ավտոճանապարհներն անցանելի են. Լարսը փակ է բեռնատարների համար
ԵՄ-ն այսօր որոշում կկայացնի Ռուսաստանի դեմ պատժամիջոցների վերաբերյալ․ Բորել
Քաղաքականություն
22.02.2022 | 13:33
ԵՄ երկրների ԱԳՆ ղեկավարներն այսօր որոշում կկայացնեն Ռուսաստանի դեմ արտակարգ միջոցների կիրառման մասին՝ ի պատասխան Դոնեցկի և Լուգանսկի ինքահռչակ հանրապետությունների ճանաչման։ Այս մասին հայտարարել է ԵՄ դիվանագիտության ղեկավար Ժոզեպ Բորել, գրում է «Ինտերֆաքս»-ի ուկրաինական ծառայությունը։
«Որոշումը սպասվում է երեքշաբթի, կեսօրից հետո»,- ասել է Բորելը Փարիզում Հնդկախաղաղօվկիանոսյան համագործակցության նախարարական ֆորումից առաջ։
Նա հայտնել է, որ օրվա երկրորդ կեսին արտահերթ ոչ պաշտոնական հանդիպում է անցկացնելու ԵՄ անդամ պետությունների ԱԳ նախարարների հետ, որում քաղաքական որոշում կկայացվի Դոնեցկի և Լուգանսկի ինքնահռչակ հանրապետությունների ճանաչման՝ Մոսկվայի որոշմանը եվրոպական պատասխանի վերաբերյալ։ Այդ պատասխանը, ըստ Բորելի, արտահայտվելու է պատժամիջոցների տեսքով։
Բորելը նաև համոզմունք է հայտնել, որ ԵՄ պատասխանի վերաբերյալ որոշումը կընդունվի միաձայն։ Միաժամանակ, ԵՄ դիվանագիտության ղեկավարը լրագրողներին ասել է, որ դեռ չի կարող հայտնել ՌԴ-ի դեմ նախապատրաստվող պատժամիջոցների մանրամասները։
Էմմա Չոբանյան
