29.03.2026 | 18:19
ԹՐԻՓՓ-ի շուրջ քննարկումները չեն դանդաղել․ փաստաթղթերի համաձայնեցման փուլում ենք․ Միրզոյան
Դոնեցկի ու Լուգանսկի ճանաչումը խախտում է Ուկրաինայի տարածքային ամբողջականությունը. ՄԱԿ-ի գլխավոր քարտուղար
Քաղաքականություն
22.02.2022 | 09:29
ՄԱԿ-ի գլխավոր քարտուղար Անտոնիո Գուտերեշը հայտարարել է, որ Լուգանսկի և Դոնեցկի մարզերի անկախությունը ճանաչելու Ռուսաստանի Դաշնության որոշումը չի համապատասխանում ՄԱԿ-ի կանոնադրության սկզբունքներին։
Այս մասին հայտնում է ՄԱԿ-ի մամուլի ծառայությունը։
«Գլխավոր քարտուղարը լրջորեն անհանգստացած է Ուկրաինայի Դոնեցկի և Լուգանսկի շրջանների որոշ տարածքների կարգավիճակի վերաբերյալ Ռուսաստանի Դաշնության որոշմամբ: Նա կոչ է անում կարգավորել հակամարտությունը Ուկրաինայի արևելքում՝ Մինսկի համաձայնագրերի համաձայն, որոնք հաստատվել են Ուկրաինայի ու Անվտանգության խորհուրդի կողմից»,- ասված է հաղորդագրության մեջ։
Գուտերեշն ասել է, որ այս որոշմամբ Ռուսաստանը խախտում է Ուկրաինայի տարածքային ամբողջականությունն ու ինքնիշխանությունը։
Նա նաև կոչ է արել բոլոր ջանքերը կենտրոնացնել ռազմական գործողությունների անհապաղ դադարեցման, խաղաղ բնակիչների պաշտպանության և ցանկացած գործողությունների և հայտարարությունների կանխարգելման վրա, որոնք կարող են հանգեցնել Ուկրաինայում և նրա շրջակայքում վտանգավոր իրավիճակի հետագա սրմանը:
Հիշեցնենք, որ փետրվարի 21-ի երեկոյան հեռուստաուղերձում ՌԴ նախագահ Վլադիմիր Պուտինը հայտարարեց, որ որոշում է կայացրել ճանաչել Ուկրաինայի Լուգանսկի ու Դոնեցկի ինքնահռչակ հանրապետությունների անկախությունը։
Ի պատասխան Եվրամիությունն՝ արդեն հայտարարել է, որ սահմանափակող միջոցներ են կիրառելու, իսկ ԱՄՆ նախագահ Ջո Բայդենն մտադիր է ստորագրել անջատողական մարզերի դեմ պատժամիջոցների մասին հրամանագիրը։
Տաթև Ֆռանգյան
