06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Բայդենը Դոնեցկի և Լուգանսկի հետ առևտուրն ու ներդրումները արգելող հրամանագիր կստորագրի, սպասվում են նաև այլ միջոցներ
Քաղաքականություն
22.02.2022 | 01:09
ԱՄՆ նախագահ Ջո Բայդենը շուտով գործադիր հրաման կարձակի, որը կարգելի «նոր ներդրումները, առևտուրը և ֆինանսավորումը ԱՄՆ-ի կողմից դեպի արևելյան Ուկրաինայի երկու անջատված շրջաններ, որոնք երկուշաբթի օրը Ռուսաստանի նախագահ Վլադիմիր Պուտինը ճանաչեց որպես անկախ սուբյեկտներ»։ Այս մասին, Reuters-ի հաղորդմամբ, հայտնել են Սպիտակ տնից։
Հրամանագիրը «նաև լիազորություն կտա պատժամիջոցներ կիրառել ցանկացած անձի նկատմամբ, որը որոշել է գործել Ուկրաինայի այդ տարածքներում», – ասվում է Սպիտակ տան խոսնակ Ջեն Փսակիի հայտարարության մեջ:
Փսակին հայտարարել է, որ ավելի շատ քայլեր են ձեռնարկվելու և դրանք ձեռնարկվելու են պատժամիջոցներից զատ, որոնք ԱՄՆ-ն և նրա դաշնակիցները նախապատրաստում էին, եթե Ռուսաստանը ներխուժի Ուկրաինա:
Հիշեցնենք, որ ժամեր առաջ ՌԴ նախագահ Վլադիմիր Պուտինը հայտարարեց Դոնեցկի և Լուգանսկի ինքնահռչակ հանրապետությունների անկախության եւ ինքնիշխանության ճանաչման մասին։
