09.02.2026 | 20:45
Շնորհակալություն եմ հայտնել Վենսին իր անձնական ներդրման համար․ Փաշինյան. ՏԵՍԱՆՅՈՒԹ
Պուտինի ու Մակրոնի հեռախոսազրույցը տևել է 1 ժամ 45 րոպե
Քաղաքականություն
20.02.2022 | 18:45
Ռուսաստանի նախագահ Վլադիմիր Պուտինը հեռախոսազրույց է ունեցել Ֆրանսիայի նախագահ Էմանուել Մակրոնի հետ, հաղորդում է Կրեմլի մամուլի ծառայությունը:
Ինչպես հաղորդում է «Ֆրանս պրեսս»-ը՝ հղում անելով Ելիսեյան պալատի հաղորդագրությանը, նախագահ Պուտինի հետ հեռախոսազրույցը տևել է 1 ժամ 45 րոպե։
«Ֆրանսիական կողմի նախաձեռնությամբ Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Ֆրանսիայի Հանրապետության նախագահ Էմանուել Մակրոնի հետ», – ասված է հաղորդագրության մեջ:
Նշվում է, որ Մակրոնի՝ վերջերս Մոսկվա կատարած այցի և կանոնավոր հեռախոսային բանակցությունների ընթացքում քննարկումները շարունակելիս նախագահները կարծիքներ են փոխանակել Ուկրաինայի շուրջ ստեղծված իրավիճակի, ինչպես նաև Ռուսաստանի անվտանգության երկարաժամկետ իրավաբանական երաշխիքների մշակման շուրջ:
