23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՆԱՏՕ-ն իր աշխատակիցներին Կիևի գրասենյակից տեղափոխում է Լվով․ ԶԼՄ
Քաղաքականություն
19.02.2022 | 17:55
ՆԱՏՕ-ն ժամանակավորապես փակում է իր գրասենյակը Ուկրաինայի մայրաքաղաք Կիևում և աշխատակիցներին տեղափոխում Բրյուսել և Լվով, հայտնում է նորվեգական VG պարբերականը՝ վկայակոչելով ՆԱՏՕ-ի ներկայացուցչին:
«ՆԱՏՕ-ն և անդամ պետությունները շատ ուշադիր հետևում են իրավիճակին, գնահատում են այն և ձեռնարկում են բոլոր անհրաժեշտ նախազգուշական միջոցները։ Մեր աշխատակիցների անվտանգությունը առաջնահերթություն է, ուստի՝ դրանք տեղափոխվում են Լվով և Բրյուսել։ Այսպիսով, Ուկրաինայում ՆԱՏՕ-ի գրասենյակները դեռևս գործում են»,- «ՌԻԱ Նովոստի»-ի փոխանցմամբ՝ ասված է ՆԱՏՕ-ի ներկայացուցչի հաղորդագրության մեջ, որը հայտնվել է նորվեգական թերթի տրամադրության տակ:
Պարբերականը հիշեցնում է, որ Մեծ Բրիտանիան, ԱՄՆ-ը, Կանադան և Ավստրալիան իրենց դեսպանատները Կիևից տեղափոխել են Լվով։ Նորվեգիան դեռ դա չի արել, բայց հետևում է իրավիճակին։
