Միջազգային կազմակերպությունները դատապարտել են Բաքվում բողոքի ցույցը լուսաբանող լրագրողների դեմ բռնություններն ու ծեծը

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Բաքվում օրերս Ադրբեջանի նախագահականի շենքի դիմաց զոհված զինծառայողների ծնողների բողոքի ակցիան լուսաբանելիս լրագրողների ձերբակալության և ոստիկանների կողմից ծեծի ենթարկելու միջադեպին անդրադարձել են մի շարք միջազգային կառույցներ։

Հիշեցնենք՝ ոստիկանները ձերբակալել էին լրագրողներ Ֆաթիմա Մովլանլիին, Սևինջ Սադիգովային և Թեյմուր Քերիմովին։ Ավելի ուշ Քերիմովը հայտնել էր, որ իրեն ազատ են արձակել, և նշել, որ ձեռքի թեթև վիրավորում է ստացել։ Իսկ լրագրողներ Ֆաթիմա Մովլամլիին ու Սևինջ Սադիգովային տարել էին ոստիկանական բաժանմունք, որտեղ նրանց ծեծի էին ենթարկել։

Մամուլի ազատության հարցերով ԵԱՀԿ համակարգող Թերեզա Ռիբերիոն, մասնավորապես, դատապարտել է Բաքվում փողոցային ակցիան լուսաբանելիս լրագրող Ֆաթիմա Մովլամլիի նկատմամբ ճնշումների փաստը։

«Փետրվարի 15-ին Ադրբեջանում Ֆաթիմա Մովլամլիի և լրատվամիջոցների այլ աշխատակիցների նկատմամբ ոստիկանության բռնության մասին հաղորդումներն անընդունելի են։ Լրագրողները պետք է կարողանան անվտանգ կերպով կատարել իրենց պարտականությունները։ Հուսով եմ՝ իշխանություններն օպերատիվ հետաքննություն կանցկացնեն»,- թվիթերյան իր էջում գրել է Ռիբերիոն։

«Լրագրողներ առանց սահմանների» միջազգային կազմակերպությունը ևս անդրադարձել է ադրբեջանցի լրագրողների նկատմամբ ոստիկանական բռնություններին։

«Լրագրող Ֆաթիմա Մովլամլին և Սևինջ Սադիգովան՝ Azel TV-ի ձերբակալված խմբագրի կինը, բռնության կիրառմամբ ձերբակալվել են Բաքվում նախագահական գրասենյակի մոտ բողոքի ցույցը նկարահանելուց հետո: «Լրագրողներ առանց սահմանների» կազմակերպությունը կոչ է անում թափանցիկ և արագ հետաքննել ոստիկանության այս ցնցող չարաշահումը»,- ասվում է կազմակերպության հայտարարությունում։

Ադրբեջանի իշխանությունները պետք է հետաքննեն երեք լրագրողի նկատմամբ ոստիկանության դաժանության մեղադրանքները, որոնք ձերբակալվել են Բաքվում բողոքի ցույցը լուսաբանելիս: Այս մասին էլ ասվում է «Լրագրողների պաշտպանության կոմիտե» միջազգային կազմակերպության հայտարարության մեջ։

«Իշխանությունները պետք է ամբողջովին հետաքննեն լրագրողների նկատմամբ ոստիկանության աղաղակող դաժան վերաբերմունքի մասին պնդումները և արժանահավատ քայլեր ձեռնարկեն՝ կանխելու նման միջադեպերի կրկնությունը», ասել է կազմակերպության Եվրոպայի և Կենտրոնական Ասիայի ծրագրի համակարգող Գուլնոզա Սաիդը:

Նա նշել է, որ ինչպես կառավարամետ, այնպես էլ ընդդիմադիր ​​լրատվամիջոցների լրագրողները պետք է կարողանան ազատորեն հաղորդել ցույցերի մասին՝ չվախենալով կամայական ձերբակալություններից և ոստիկանության դաժանությունից։

Հայտարարության մեջ նաև նշվում է, որ ոստիկանները լրագրողներից պահանջել են ջնջել նկարահանված կադրերը, Մովլամլիին երկու անգամ գցել են հատակին և մի քանի անգամ հարվածել նրա ոտքերին ու ստամոքսին։ Սպաները նաև հայհոյանքներ են հնչեցրել ու վիրավորել Սադիգովային և Մովլամլիին։

Երեք լրագրողներն էլ կազմակերպությանը հայտնել են, որ նախատեսում են պաշտոնական բողոքներ ներկայացնել ոստիկանության կողմից իրենց հանդեպ վերաբերմունքի հետ կապված: Կոմիտեն մեկնաբանություն ստանալու համար նամակ է ուղարկել Ադրբեջանի ՆԳՆ-ին, սակայն պատասխան չի ստացել:

Հավելենք, որ Ադրբեջանի ԶԼՄ-ի մասին նոր աղմկահարույց օրենքի ընդունումից հետո, որն օրեր առաջ ստորագրել է նախագահ Իլհամ Ալիևը, սա լրագրողներին ձերբակալելու և ծեծի ենթարկելու առաջին դեպքն է։ Նոր օրենքը սահմանափակում է լրագրողների իրավունքները և պարտադրում գրանցվել միասնական ռեեստրում։ Օրենքն արդեն իսկ դատապարտել են մի շարք երկրներ և միջազգային կառույցներ։

Էմմա Չոբանյան