Էրդողանին վիրավորելու համար բանտարկված հայտնի թուրք հեռուստալրագրողին 13 տարվա ազատազրկում է սպառնում

Լուրեր

17.11.2026 | 09:47
Արտարժույթների փոխարժեքները՝ նոյեմբերի 17-ի դրությամբ
17.11.2026 | 09:33
ՀՀ տարածքում ավտոճանապարհները հիմնականում անցանելի են
16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
Բոլորը

Ստամբուլի 36-րդ քրեական դատարանը հրապարակել է թուրք հայտնի հեռուստալրագրող Սեդեֆ Քաբաշի գործով մեղադրական եզրակացությունը, որով լրագրողին սպառնում է շուրջ 13 տարվա ազատազրկում՝ Թուրքիայի նախագահ Ռեջեփ Թայիփ Էրդողանին, ինչպես նաև ներքին գործերի նախարար Սուլեյման Սոլյուին ու տրանսպորտի նախարար Ադիլ Քարաիսմայիլօղլուին վիրավորելու համար, գրում է Duvar-ը։

Մեղադրական եզրակացության մեջ նախագահին «վիրավորելու համար» պահանջվում է 8 տարի և 2 ամիս, «պետական պաշտոնատար անձանց վիրավորելու» համար՝ մինչև 4 տարի 8 ամիս ժամկետով ազատազրկում։ Ընդհանուր առմամբ, դատախազները լրագրողի համար պահանջում են մինչև 12 տարի 10 ամիս ժամկետով ազատազրկում։

Հիշեցնենք, որ թուրք հայտնի լրագրող Քաբաշը նախորդ ամիս կալանավորվել է Էրդողանին «վիրավորելու» համար։ Մասնավորապես, հեռուստաեթերում և թվիթերյան գրառմամբ նա նշել էր․ «Եզը կարող է իր ճանապարհը գտնել դեպի պալատ, սակայն դա նրան թագավոր չի դարձնում։ Սա, սակայն, պալատն է վերածում գոմի»։

Ավելի ուշ լրագրողն ասել էր, որ իր խոսքերն ասացվածք են, և նախագահին վիրավորելու մտադրություն չի ունեցել։

Բացի այդ, Էրդողանը դատական հայց է ներկայացրել Սեդեֆ Քաբաշի և TELE1 հեռուստաալիքի տնօրենների խորհրդի նախագահ Ֆըրաթ Սաքարի դեմ ու որպես ոչ նյութական վնասի փոխհատուցում՝ պահանջում է 250,000 լիրա (շուրջ 18,000 դոլար)։

Հավելենք, որ տասնյակ հազարավոր մարդիկ մեղադրվել և դատապարտվել են «նախագահին վիրավորելու» հանցագործության համար այն բանից հետո, երբ Էրդողանը 2014 թվականին, 11 տարի վարչապետի պաշտոնը զբաղեցնելուց հետո, ստանձնեց նախագահի պաշտոնը։

Էմմա Չոբանյան