16.05.2026 | 19:44
«Ուժեղ Հայաստանի» քարոզարշավը. ՈՒՂԻՂ
Ռուսաստանը զորավարժություններից հետո սկսել է զորքերը վերադարձնել տեղակայման վայրեր
Քաղաքականություն
15.02.2022 | 14:31
Արևմտյան և հարավային ռազմական շրջանների ստորաբաժանումներն այսօր սկսում են զորավարժություններից վերադառնալ իրենց տեղակայման կայազորներ։ Այս մասին հայտնել է ՌԴ Պաշտպանության նախարարությունը։
Զորավարժությունների մի մասի ավարտի մասին նախօրեին հայտարարել էր ՌԴ ՊՆ ղեկավար Սերգեյ Շոյգուն։ Մնացյալ վարժանքները, նրա խոսքով, կավարտվեն շուտով։ Այս հայտարարություններն արվել են Ուկրաինայի շուրջ ստեղծված սուր ճգնաժամի ֆոնին, գրում է BBC-ի ռուսական ծառայությունը։
«Հարավային և արևմտյան ռազմական շրջանների ստորաբաժանումները, ավարտելով իրենց առաջադրանքները, արդեն սկսել են բեռնվել երկաթուղային և ավտոմոբիլային տրանսպորտներ ու այսօրվանից կշարժվեն դեպի իրենց կայազորներ։ Առանձին ստորաբաժանումները մարտական շարասյուների կազմում ինքնուրույն կշարժվեն»,- հայտարարել է նախարարության խոսնակ Իգոր Կոնաշենկովը։
ՌԴ ՊՆ-ն նաև տեղաշարժի վերաբերյալ տեսանյութ է հրապարակել։
Տաթև Ֆռանգյան
