13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ԱՄՆ-ն իր մտահոգությունն է հայտնել Ալիևի ստորագրած սկանդալային օրենքի առնչությամբ
Քաղաքականություն
11.02.2022 | 18:44
Բաքվում ԱՄՆ դեսպանատունը կոչ է արել է Ադրբեջանի կառավարությանը «ԶԼՄ-ի մասին» նոր օրենքը կիրառել ԵԱՀԿ ստանդարտներին ու միջազգային պարտավորություններին համապատասխան։ Այս մասին ասվում է ադրբեջանական «Թուրան» գործակալության՝ նախագահ Իլհամ Ալիևի կողմից ստորագրված «ԶԼՄ-ի մասին» օրենքի շուրջ ԱՄՆ դեսպանատան գնահատականի վերաբերյալ հարցմանն ի պատասխան։
Դեսպանատան պաշտոնական ներկայացուցչի պատասխանում, մասնավորապես, ասվում է․ «Մենք անհանգստացած ենք, որ մեդիայի մասին նոր օրենքն ընդունվել ու ստորագրվել է՝ առանց հաշվի առնելու անկախ լրագրողների, ԶԼՄ փորձագետների ու միջազգային կազմակերպությունների, այդ թվում՝ ԵԱՀԿ-ի ու Եվրոպայի Խորհրդի կարծիքը։ Մենք շարունակում ենք ուսումնասիրել նախագահ Ալիևի կողմից ստորագրած օրենքը և անհամբերությամբ սպասում ենք վերլուծության այս ու այլ փորձագետների կողմից։ Մենք կոչ ենք անում կառավարությանը նոր օրենքը կիրառել ԵԱՀԿ-ի և այլ միջազգային կազմակերպությունների շրջանակում ստանձնած պարտավորություններին համապատասխան»։
Հիշեցնենք, որ փետրվարի 8-ին Ադրբեջանի նախագահ Իլհամ Ալիևը ստորագրել էր դեռ դեկտեմբերի 30-ին խորհրդարանի կողմից ընդունված «ԶԼՄ-ի մասին» նոր սկանդալային օրենքը, որի համաձայն լրագրողները պետք է հաշվառվեն հատուկ ռեեստրում։ Այն, ըստ տարբեր փորձագետների,սահմանափակում ու բարդացնում է լրագրողների աշխատանքը։ Նոր օրենքը արժանացել է նաև մի շարք միջազգային կառույցների կոշտ գնահատականին։
Էմմա Չոբանյան
