07.11.2024 | 14:07
Էկոպարեկային ծառայության պետ Վլադիմիր Կիրակոսյանի ասուլիսը. ՈՒՂԻՂ
Պուտինն Անվտանգության խորհրդի հետ քննարկել է ՌԴ հարաբերություններն ԱՊՀ երկրների հետ
Քաղաքականություն
11.02.2022 | 19:11
ՌԴ նախագահ Վլադիմիր Պուտինն Անվտանգության խորհրդի հետ քննարկել է Ռուսաստանի հարաբերությունները ԱՊՀ երկրների հետ։ Այս մասին ասված է Կրեմլի պաշտոնական կայքէջում։
«Մեր արտաքին քաղաքականության առաջնահերթ ուղղություններից մեկը ԱՊՀ երկրների հետ հարաբերություններն են հետխորհրդային տարածքում։ Այսօր մենք կքննարկենք հենց այս թեման: Ուզում եմ ևս մեկ անգամ շեշտել, որ այս հարցը մեզ համար անշուշտ առանցքայիններից մեկն է, ինչպես արդեն ասացի։ Մենք այստեղ ունենք բազմաթիվ նախաձեռնություններ, շատ լավ երկխոսություն մեր առաջատար գործընկերների հետ, մեծ ծավալի առևտուր, նրանցից շատերի հետ աշխատում ենք ԵՏՄ-ի շրջանակներում, Հավաքական անվտանգության պայմանագրի շրջանակներում»,- ասել է Պուտինը։
Վերջինս շեշտել է, որ վերջին իրադարձությունները ցույց են տալիս, որ այս ամբողջ աշխատանքը տալիս է դրական արդյունք և պահանջարկ ունի։
«Այսօր մենք ձեզ հետ կխոսենք այն մասին, թե ինչպես բարելավել այն մեխանիզմները, որոնք մենք ստեղծել ենք այս ոլորտում վերջին տարիներին»,- ասել է Պուտինը։
Տաթև Ֆռանգյան
