10.10.2026 | 11:55
Արուսյակ Ջուլհակյանը կմեկնի Նյու Յորք
ԱԺ բակում Հոկտեմբերի 27-ի զոհերի և Կոզեռնի գերեզմանատանը թաղված անձանց հիշատակին խաչքար է կառուցվում
Հասարակություն
10.02.2022 | 18:25
Խորհրդարանի բակի մի հատվածում տևական ժամանակ է՝ հողի փորման աշխատանքներ են ընթանում։ Factor TV-ն ավելի վաղ տեղեկություն ուներ, որ խաչքար է կառուցվում։ Այսօր մենք ֆիքսեցինք, որ այն գրեթե պատրաստ է։ Ո՞ւմ է նվիրված խաչքարը. մեզ հետ զրույցում ԱԺ աշխատակազմի ղեկավար Վահան Նարիբեկյանը փոխանցեց. «Խաչքարը Հոկտեմբերի 27-ի զոհերի և Կոզեռնի գերեզմանատանը թաղված անձանց հիշատակին։ է։ Ինչպես հայտնի է՝ ԱԺ շենքի տարածքում նախկինում Կոզեռնի գերեզմանատունն է եղել»։
Նշենք, որ մինչև 20-րդ դարի սկզբին գերեզմանատունը ներկայիս Պռոշյան փողոցի տարածքից ձգվել է մինչև Սիրահարների այգու, այժմյան Ազգային ժողովի այգու և Դերենիկ Դեմիրճյան փողոցի առանձնատների տարածքներ։ Հայտնի է նաև, որ Կոզեռնի գերեզմանատանն է վերաթաղվել Հայաստանի առաջին Հանրապետության հիմնադիր Արամ Մանուկյանը։ 1920-ականներին գերեզմանատան ավերման պատճառով Մանուկյանի այրին՝ Կատարինե Զալյանը, նրա մարմինը տեղափոխել է և վերաթաղել Թոխմախի գերեզմանոցում։
Մերի Մարտիրոսյան
