29.07.2026 | 13:34
Փոխվարչապետ Տիգրան Խաչատրյանը հրաժեշտի հանդիպում է ունեցել Ֆրանսիայի դեսպանի հետ
ԱՄՆ Սենատն այս շաբաթ կարող է համաձայնեցնել Ռուսաստանի դեմ պատժամիջոցները․ Bloomberg
Քաղաքականություն
01.02.2022 | 13:39
ԱՄՆ Սենատն այս շաբաթ կարող է համաձայնեցնել հակառուսական պատժամիջոցների փաթեթը՝ Ուկրաինայի շուրջ իրավիճակի սրման դեպքում։ Այս մասին հայտնում է Bloomberg-ը՝վկայակոչելով սենատորներին, փոխանցում է ՏԱՍՍ-ը։
«Մենք հույս ունենք քննարկել մի քանի վերջնական կետեր, որոնց շուրջ պետք է համաձայնություն, որից հետո կարելի է առաջ շարժվել»,- ասել է Սենատի արտաքին հարաբերությունների հանձնաժողովի նախագահ Ռոբերտ Մենենդեսը։
Դեմոկրատ սենատոր Քրիս Մերֆին էլ կարծում է, որ վերջին մանրամասները կարող են համաձայնեցվել մոտակա օրերին։ Իր հերթին սենատոր Ջիմ Ռիշն ասել է, որ կարելի է հայտնել երկու կուսակցությունների միջև երկխոսության առաջընթացի մասին։
Bloomberg-ը նշում է, որ ԱՄՆ օրենսդիրները դեռ չեն հանգել միասնական կարծիքի այն հարցում՝ արդյո՞ք արժե ՌԴ-ի դեմ կանխարգելիչ պատժամիջոցներ սահմանել։ Բացի այդ, վեճեր է առաջացնում հարցը, թե ինչ միջոցներ կարող է ԱՄՆ-ն ընդունել «Հյուսիսային հոսք 2» գազատարի դեմ՝ Ուկրաինայի շուրջ իրավիճակի սրման դեպքում։
Մենենդեսն ավելի վաղ ասել էր, որ Ուկրաինայի դեմ ստեղծված իրավիճակի պատճառով ԱՄՆ Սենատում քննարկվող պատժամիջոցների մի մասը կարող է կիրառվել նախքան Ռուսաստանի ներխուժումը։ ԱՄՆ վարչակազմը նախկինում դեմ է եղել պատժամիջոցների կիրառմանը՝ մինչև Ռուսաստանի կողմից Ուկրաինա ներխուժումը, քանի որ այդ պարագայում դրանք կկորցնեն զսպող ազդեցությունը։
Էմմա Չոբանյան
