07.11.2024 | 11:30
Պետք է հավաստիանանք՝ քաղաքացին ուներ ստորագրահավաքին միանալու իրավունք, թե՝ ոչ․ԿԸՀ նախագահի տեղակալ․ ՏԵՍԱՆՅՈՒԹ
Իրան կատարած այցից հետո Ադրբեջանի ՊՆ ղեկավարը մեկնում է Թուրքիա
Քաղաքականություն
31.01.2022 | 21:45
Ադրբեջանի պաշտպանության նախարար Զաքիր Հասանովը փետրվարի 1-ին պաշտոնական այցով մեկնելու է Թուրքիա։ Այս մասին հայտնում է Ադրբեջանի ՊՆ մամուլի ծառայությունը, փոխանցում են տեղական լրատվամիջոցները։
«Այցն իրականացվում է Թուրքիայի պաշտպանության նախարար Հուլուսի Աքարի հրավերով։ Հասանովի և Աքարի հանդիպմանը քննարկվելու են տարածաշրջանային անվտանգության, երկու երկրների բանակների միջև կապերի հաստատման, այդ թվում՝ ռազմատեխնիակական, ռազմական կրթության ու ռազմական բժշկության ոլորտներում, ինչպես նաև հետաքրքրություն ներկայացնող այլ հարցեր»,- ասվում է հաղորդագրության մեջ։
Նշվում է, որ Հասանովի այցը Թուրքիա տևելու է մինչև փետրվարի 2-ը։
Հավելենք, որ հունվարի 25-ին էլ երկօրյա աշխատանքային այցով Ադրբեջանի պաշտպանության նախարար Զաքիր Հասանովն Իրանում էր։ Այցի շրջանակում նա հանդիպել էր Իրանի նախագահ Էբրահիմ Ռաիսիին, ինչպես նաև պաշտպանության նախարարին և ԶՈՒ Գլխավոր շտաբի պետին։
Էմմա Չոբանյան
