16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
Վրաստանն ԱՄՆ-ից Javelin հակատանկային համալիրների նոր խմբաքանակ կգնի
Քաղաքականություն
31.01.2022 | 20:59
Վրաստանի կառավարությունը որոշում է կայացրել ԱՄՆ-ից գնել Javelin հակատանկային համակարգերի նոր խմբաքանակ՝ 30 մլն դոլար արժողությամբ։ Այս մասին հայտնել է Վրաստանի կառավարության մամուլի ծառայությունը, գրում է ՏԱՍՍ-ը։
«Վրաստանի պաշտպանական ուժերի պաշտպանունակությունն ուժեղացնելու և հակատանկային կարողությունները բարելավելու նպատակով՝ կառավարությունն աշխատում է Javelin շարժական հակատանկային հրթիռային համակարգերի լրացուցիչ խմբաքանակ ձեռք բերելու ուղղությամբ: Ինչպես հայտնի է՝ 2021 թվականին ԱՄՆ Պետքարտուղարությունը որոշում է կայացրել Վրաստանին 30 մլն դոլար արժողությամբ Javelin-ի վաճառքի մասին»,- ասվում է հաղորդագրության մեջ։
Նշվում է, որ Վրաստանի կառավարությունը նախատեսում է զենքը գնել պարզեցված եղանակով՝ բյուջեից ուղղակի փոխանցումով։
2017թ․ ամերիկյան Պետքարտուղարությունն առաջին անգամ հավանություն է տվել Վրաստանին Javelin հակատանկային հրթիռային համակարգերի համար 410 հրթիռների և 72 հրամանատարական կայանների վաճառքին, այդ թվում՝ երկու հրամանատարական արձակման բլոկի՝ 75 միլիոն դոլար արժողությամբ։
Էմմա Չոբանյան
