08.08.2026 | 11:36
Զիդանի որդին փոխել է ակումբը
WBC-ն պաշտոնական ներկայացուցիչ կունենա Հայաստանում. կբացվի գրասենյակ
28.01.2022 | 16:17
Համահայկական բռնցքամարտի և պրոֆեսիոնալ մարզաձևերի ֆեդերացիայի նախագահ Գառնիկ Հարությունյանը Մեքսիկայում ներկա է եղել WBC համաժողովին, որի ընթացքում հանդիպում է ունեցել նաև կազմակերպության ղեկավար Մաուրիսիո Սուլեյմանի հետ: Այս մասին հաղորդում է ՀԲՊՄՖ Համահայկական բռնցքամարտի և պրոֆեսիոնալ մարզաձևերի ֆեդերացիայի ֆեյսբուքյան էջը։
Նշվում է, որ բռնցքամարտի համաշխարհային կազմակերպության ղեկավարի հետ բանակցությունների արդյունքում Հայաստանին տրամադրվել է լիցենզիա, ըստ որի` WBC-ն պաշտոնական ներկայացուցիչ կունենա Հայաստանում:
«Մոտակա օրերին Հայաստանում կբացվի նաև WBC գրասենյակ: Սա առաջին հերթին մեծ հնարավորություն է մեր բռնցքամարտիկների համար՝ դուրս գալ պրոֆեսիոնալ մեծ ռինգ: Համաժողովի ընթացքում Գառնիկ Հարությունյանը պայմանավորվածություն է ձեռք բերել նաև մեքսիկացի բռնցքամարտիկների հետ Երևանում համատեղ հավաք անցկացնելու մասին»,- ասված է հաղորդագրության մեջ:
