16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Պուտինն ընդունել է Թուրքիա այցելելու` Էրդողանի հրավերը
Քաղաքականություն
27.01.2022 | 16:29
ՌԴ նախագահ Վլադիմիր Պուտինը կօգտվի իր թուրք գործընկեր Ռեջեփ Թայիփ Էրդողանի հրավերից՝ այցելելու Թուրքիա, հենց որ համաճարակաբանական իրավիճակը և ժամանակացույցը թույլ տան, հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՌԻԱ Նովոստին։
Ավելի վաղ Էրդողանը հայտարարել էր, որ Ռուսաստանի ղեկավարին հրավիրել է Թուրքիա և սպասում է Կրեմլի պատասխանին։
«Այո, այս թեման բազմիցս արծարծվել է նախագահ Պուտինի և Էրդողանի վերջին մի քանի շփումների ընթացքում»,- լրագրողներին ասել է Պեսկովը։
Նա նշել է, որ որոշակի դադար է եղել երկու երկրների միջկառավարական հանձնաժողովի և երկկողմ հարաբերությունների բարձրագույն մարմնի անցկացման հարցում, որը ղեկավարում են երկու նախագահները։ Էրդողանն ասել է, որ պատրաստ է այս բոլոր միջոցառումները կազմակերպել Թուրքիայում, հավելել է նա։
«Նախագահ Պուտինը երախտագիտությամբ ընդունել է այս հրավերը: Եվ նրանք պայմանավորվել են, որ հենց համաճարակաբանական իրավիճակը և ժամանակացույցը թույլ տան, նա անպայման կօգտվի այս հրավերից», – ասել է Պեսկովը:
Տաթև Ֆռանգյան
