07.11.2024 | 14:07
Էկոպարեկային ծառայության պետ Վլադիմիր Կիրակոսյանի ասուլիսը. ՈՒՂԻՂ
ՆԱՏՕ-ն սպասում է Ռուսաստանի պատասխանին
Քաղաքականություն
27.01.2022 | 15:15
ՆԱՏՕ-ի Խորհրդարանական վեհաժողովի ղեկավար Ջերալդ Քոնոլին կարծում է, որ այն բանից հետո, երբ դաշինքը անվտանգության առաջարկներ է ուղարկել Մոսկվային, «այժմ Ռուսաստանի քայլի հերթն է»։
«ՆԱՏՕ-ն Ռուսաստանին առաջարկել է երկխոսության դրական ուղի: Ռուսաստանն այժմ պետք է ցույց տա իր պատրաստակամությունը նահանջելու անդառնալի ռազմական էսկալացիայի անդունդից և դրա հետևանքներից», – գրել է Քոնոլին Twitter-ում:
ԱՄՆ-ն ու ՆԱՏՕ-ն Անվտանգության երաշխիքների վերաբերյալ առաջարկներին նախօրեին պատասխանել է Ռուսաստանին։ ՆԱՏՕ-ի գլխավոր քարտուղար Յենս Սթոլթենբերգի խոսքով՝ դաշինքը պատրաստ է հնարավորինս շուտ սկսել Մոսկվայի հետ ռիսկերի նվազեցման, թափանցիկության, սպառազինությունների վերահսկման, հրթիռների տեղակայման, վարժանքների և միջուկային քաղաքականության քննարկումը։ Սթոլթենբերգը նաև կողմ է արտահայտվել Բրյուսելում և Մոսկվայում երկու կողմերի ներկայացուցչությունների աշխատանքի վերականգնման և Ռուսաստան-ՆԱՏՕ խորհրդի շրջանակներում շփումների շարքը շարունակելու անհրաժեշտությանը։
Միաժամանակ գլխավոր քարտուղարը նշել է, որ դաշինքն անընդունելի է համարում ՆԱՏՕ-ի չընդլայնման մասին Ռուսաստանի առաջարկը, դաշինքը կշարունակի հավատարիմ մնալ բաց դռների քաղաքականությանը։
Տաթև Ֆռանգյան
