16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
COVID-19. ԵՄ-ն զբոսաշրջիկների համար նոր կանոններ է սահմանել
Քաղաքականություն
25.01.2022 | 19:55
ԵՄ իշխանությունները COVID-19 համաճարակի ժամանակաշրջանում ճանապարհորդների համար նոր կանոններ են սահմանում։ Այժմ ճանապարհորդների իրավունքները կախված են լինելու նրանց անհատական սանիտարական կարգավիճակից, այլ ոչ թե նրանից, թե որ տարածաշրջանում են ապրում, ասվում է ԵՄ խորհրդի կայքում հրապարակված հաղորդագրությունում։
Նոր հաստատված հանձնարարականի համաձայն՝ COVID-19-ի դեմ պայքարի միջոցները պետք է կիրառվեն՝ հաշվի առնելով անձի կարգավիճակը, այլ ոչ թե իրավիճակը տարածաշրջանային մակարդակում, բացառությամբ այն տարածքների, որտեղ կորոնավիրուսով վարակման դեպքերը շատ բարձր մակարդակի վրա են։
«Սա նշանակում է, որ ճանապարհորդի COVID-19-ի դեմ պատվաստման, թեստավորման կամ առողջացած լինելու կարգավիճակը, որը հաստատված է COVID-19-ի մասին ԵՄ-ի գործող թվային վկայականով, պետք է լինի վճռորոշ գործոն»,- ասվում է մամլո հաղորդագրության մեջ։
Այս մոտեցումը կկիրառվի ԵՄ տարածքով մարդկանց տեղաշարժի, ինչպես նաև դրա սահմաններից դուրս քաղաքացիների ճանապարհորդությունների պարագայում։
ԵՄ անդամ երկրներին ուղղված հանձնարարականն ուժի մեջ կմտնի 2022 թվականի փետրվարի 1-ից՝ նույն օրը, ինչ COVID-19 թվային վկայագրերի կանոնակարգը փոփոխող ենթաօրենսդրական ակտը: ԵՄ COVID-ի թվային վկայական չունեցող անձանցից կարող է պահանջվել թեստավորվել մինչև ժամանելը կամ ժամանելուց ոչ ուշ, քան 24 ժամ հետո:
Տաթև Ֆռանգյան
