16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ալեքսեյ Նավալնին և նրա համախոհները ներառվել են «ահաբեկիչների և ծայրահեղականների» ցուցակում
Քաղաքականություն
25.01.2022 | 18:51
Ռուս ընդդիմադիր գործիչ Ալեքսեյ Նավալնին, ինչպես նաև նրա մի քանի համախոհներ ներառվել են «Ռոսֆինմոնիթորինգի» ահաբեկիչների և ծայրահեղականների ցուցակում։ Այս մասին հայտնում է DW-ի ռուսական ծառայությունը։
Նավալնիից բացի՝ այս ցուցակում են Հակակոռուպցիոն հիմնադրամի (ФБК) իրավաբաններ Լյուբով Սոբոլը և Վյաչեսլավ Գիմադին, Նավալնիի թիմի հետաքննական բաժնի անդամ Գեորգի Ալբուրովը, ФБК-ի օպերատոր Պավել Զելենսկին, Տոմսկում Նավալնիի տարածաշրջանային շտաբի նախկին համակարգող Քսենիա Ֆադեևան, Ուֆայում Նավալնիի շտաբի նախկին համակարգող Լիլիա Չանիշևան, Արխանգելսկում Նավալնիի շտաբի նախկին համակարգող Եգոր Բուտակովը և ФБК նախկին աշխատակից Ռուսլան Շավեդդինովը։
Շավեդդինովը The Insider-ին պատմել է, որ ցուցակում ընդգրկվելն իր համար անակնկալ չէր։
«Դա բավականին սպասելի էր, քանի որ նրանց բոլոր գործողություններն ուղղված են եղել մեզ վրա ճնշումը շարունակելուն: Այսպիսով, մենք շարունակում ենք աշխատել՝ անկախ ամեն ինչից։ Գործընկերները, ովքեր ներառվել են այդ ցուցակում, նույնպես պատրաստվում են շարունակել իրենց աշխատանքը, նրանցից, ովքեր Ռուսաստանում են և ներգրավված են «ծայրահեղական» գործի մեջ, ավելի լուրջ խնդիրներ ունեն՝ որոշակի գործողությունների արգելման տեսքով։ Չգիտեմ՝ ինչու է այս ամենը տեղի ունեցել այսօր, գուցե դա պայմանավորված է պրեմիերայով (Նավալնիի մասին վավերագրական ֆիլմի – խմբ.), գուցե՝ ոչ»,- ասել է նա։
