09.08.2026 | 20:32
Իսրայելը մերժել է Գազայի հատվածի վերաբերյալ Թրամփի ծրագիրը
ԵԱՀԿ ՄԽ համանախագահները կոչ են արել Ադրբեջանին խուսափել հետագա լարվածությունից
Քաղաքականություն
19.06.2017 | 19:04
ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ռիչարդ Հոգլանդը (ԱՄՆ) և Ստեֆան Վիսկոնտին (Ֆրանսիա) ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկի հետ միասին հունիսին տարածաշրջանում շրջայց են կատարել . այս մասին ասվում է ԵԱՀԿ Մինսկի խմբի համանախագահների տարածած հայտարարությունում:
Համանախագահների այցի գլխավոր նպատակը ապրիլի 28-ին Մոսկվայում արտգործնախարարների հանդիպումից հետո ԼՂ խաղաղ կարգավորման գործընթացում հետագա քայլերի ուղղությամբ կողմերի դիրքորոշումն ու հակամարտության գոտում իրավիճակը քննարկումն էր:
ԵԱՀԿ Մինսկի խմբի համանախագահները հանդիպել են ՀՀ Նախագահ Սերժ Սարգսյանի հետ Երևանում՝ հունիսի 10-ին, իսկ Ադրբեջանի նախագահ Իլհամ Ալիևի հետ Բաքվում՝ հունիսի 19-ին: Երկու երկրների մայրաքաղաքներում նրանք նաև խորհրդակցություններ են անցկացրել արտաքին գործերի և պաշտպանության նախարարների հետ: ԵԱՀԿ Մինսկի խմբի համանախագահները հունիսի 12-ին մեկնել են Լեռնային Ղարաբաղի և հանդիպել են դե ֆակտո իշխանությունների հետ
Բաքվում համանախագահներն իրենց խորը մտահոգությունն են հայտնել Ադրբեջան իրենց այցի նախօրեին հրադադարի վերջին խախտումների վերաբերյալ, որոնք շփման գծում զոհերի պատճառ են դարձել: Նրանք կոչ են արել Ադրբեջանի ղեկավարությանը խուսափել հետագա լարվածությունից:
Համանախագահները նշել են, որ նույն ուղերձն են հղում նաև Հայաստանի և Լեռնային Ղարաբաղի իշխանություններին: Նրանք խրախուսել են կողմերին միջոցներ ձեռնարկել, որոնք կնվազեցնեն լարվածությունը շփման գծում և Հայաստանի ու Ադրբեջանի միջև միջազգային սահմանին:
Համանախագահները հուլիսի 3-ին կայցելեն Վիեննա՝ Մինսկի խմբի անդամներին տեղեկություններ փոխանցելու համար: Նրանք նաև ծրագրում են շուտով կրկին հանդիպել Հայաստանի ու Ադրբեջանի արտգործնախարարների հետ՝ քննարկելու առաջիկա աշխատանքի ձևաչափերը:
