08.06.2026 | 20:12
Էրդողանն ընդունել է Պոլսի Հայոց պատրիարքին
ԱՀԿ-ն հաստատել է Pfizer պատվաստանյութի կիրառումը 5 տարեկանից բարձր երեխաների համար
Քաղաքականություն
21.01.2022 | 23:19
Առողջապահության համաշխարհային կազմակերպության (ԱՀԿ) Իմունիզացիայի հարցերով փորձագետների ռազմավարական խորհրդատվական խումբը (SAGE) հավանություն է տվել Pfizer/BioNTech պատվաստանյութի կիրառմանը 5-11 տարեկան երեխաների համար: Այս մասին ասվում է ԱՀԿ-ի պաշտոնական կայքում հրապարակված հաղորդագրության մեջ:
Տեղեկատվության համաձայն՝ ԱՀԿ խորհրդատվական խումբը խորհուրդ է տվել ընդլայնել Pfizer/BioNTech պատվաստանյութի օգտագործումը 5-11 տարեկան երեխաների համար։ Երեխաների պարագայում խորհուրդ է տրվում նվազեցնել դեղաչափը 10 մկգ-ի, ինչը երեք անգամ պակաս է 12 տարեկանից բարձր մարդկանց պատվաստման համար օգտագործվող դեղաչափից:
Միևնույն ժամանակ, ԱՀԿ-ի խորհրդատվական խումբը խորհուրդ է տվել խթանիչ պատվաստում կատարել կորոնավիրուսի դեմ առաջնային պատվաստումից 4-6 ամիս հետո ռիսկի խմբում գտնվող անհատների համար, ինչպիսիք են տարեցները կամ բուժաշխատողները:
Տաթև Ֆռանգյան
