18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
Լավրովը խոսել է Բլինքենի հետ բանակցությունների արդյունքների մասին
Քաղաքականություն
21.01.2022 | 17:11
ՌԴ ԱԳ նախարար Սերգեյ Լավրովը մեկնաբանել է Ժնևում ԱՄՆ պետքարտուղար Էնթոնի Բլինքենի հետ բանակցությունները, հաղորդել է ՌԻԱ Նովոստիի թղթակիցը։
Դիվանագետների հանդիպումը, հիշեցնենք, տևել է մեկ ու կես ժամ։ Քննարկման հիմնական թեման եղել է անվտանգության ապահովման Մոսկվայի առաջարկներն ու Ուկրաինայում ստեղծված իրավիճակը։
Լավրովի խոսքով՝ ամերիկյան կողմը խոստացել է հաջորդ շաբաթ գրավոր պատասխան տալ ռուսական առաջարկներին։
«Մեր հանդիպումը միջանկյալ էր. Էնթոնի Բլինքենն ինձ ասաց, որ գոհ է տեղի ունեցած մտքերի փոխանակությունից, ինչը կօգնի նրանց հաջորդ շաբաթ. արդեն մի քանի անգամ ընդգծվել է, որ մեզ գրավոր արձագանք տրամադրեն»,- ասել է նա։
Մոսկվան բազմիցս է խոսել նման քայլի անհրաժեշտության մասին։ Միաժամանակ, ռուսական կողմն ընդգծել է, որ «անվերջ չի սպասի» պատասխանի։
Տաթև Ֆռանգյան
