18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Լոնդոնը կարող է հավելյալ հարյուրավոր զինվորականներ ուղարկել Բալթյան երկրներ և Լեհաստան
Քաղաքականություն
21.01.2022 | 16:52
Ուկրաինայի հետ սահմանի մոտ ռուսական զորքերի առկայության պատճառով Միացյալ Թագավորության կառավարությունը դիտարկում է Բալթյան երկրներ և Լեհաստան հավելյալ հարյուրավոր զինվորականներ ուղարկելու հնարավորությունը։ Այս մասին գրել է The Times-ը՝ հենվելով Մեծ Բրիտանիայի Պաշտպանության նախարարության իրազեկ աղբյուրի տեղեկատվության վրա և բացատրելով, որ այս քայլը նպատակ ունի զսպել Ռուսաստանին։
Ներկայում 830 բրիտանացի զինվորականներ են տեղակայված Էստոնիայում, ևս 140-ը՝ Լեհաստանում՝ ՆԱՏՕ-ի առաքելության շրջանակում։ Եթե Արևելյան Եվրոպայում ՆԱՏՕ-ի դաշնակիցները բախվեն իրենց սահմանին ռուսական զորքերի ներկայության ավելացմանը, ապա այնտեղ կարող են արագորեն լրացուցիչ ստորաբաժանումներ տեղակայվել, գրում է DW-ի ռուսական ծառայությունը:
The Times-ի փոխանցմամբ՝ մոտ 100 բրիտանացի զինվորներ ներկայում գտնվում են Ուկրաինայում՝ ուսումնական առաքելությամբ։ Վերջերս ևս 30-ն ուղարկվել են՝ ուկրաինացի զինվորներին սովորեցնելու, թե ինչպես պետք է օգտագործել հակատանկային հրթիռները, որոնք Լոնդոնը տրամադրել է Կիևին:
Մինչ այդ, Մեծ Բրիտանիայի արտաքին գործերի նախարար Լիզ Թրասը նախազգուշացրել է Ռուսաստանի նախագահ Վլադիմիր Պուտինին՝ «մեծ ռազմավարական սխալ» թույլ չտալ։
«Կրեմլը պատմությունից դասեր չի քաղել: Ներխուժումը ձեզ միայն կքաշի սարսափելի ճահճի մեջ և կհանգեցնի մարդկային կորուստների, որոնք համեմատելի կլինեն այն բանի հետ, ինչ մենք տեսանք խորհրդային-աֆղանական պատերազմում և Չեչնիայի հակամարտությունում»,- ասել է նա Սիդնեյ կատարած այցի ժամանակ:
Տաթև Ֆռանգյան
