10.02.2026 | 18:00
Վենսը Բաքվում հայ գերիների հարցը կբարձրացնի // TRIPP-ի վրա ԵՏՄ մաքսային կանոնակարգերը կգործեն. ԼՈՒՐԵՐ
Քննարկվել են Հայաստանի և ՄԹ-ի փոխգործակցության հնարավորությունները Կրոնական ազատության միջազգային դաշինքի շրջանակում
Քաղաքականություն
21.01.2022 | 15:00
Հունվարի 20-ին տեղի է ունեցել դեսպան Վարուժան Ներսեսյանի հանդիպումը Կրոնի և հավատքի ազատության հարցերով Միացյալ Թագավորության վարչապետի հատուկ բանագնաց Ֆիոնա Բրյուսի հետ. տեղեկացնում են ՄԹ-ում ՀՀ դեսպանությունից:
Զրուցակիցները խորհրդանշական են համարել իրենց հանդիպումը՝ ՀՀ-ի և ՄԹ-ի միջև դիվանագիտական հարաբերությունների հաստատման 30-ամյակի օրը։
Հանդիպման ընթացքում դեսպանը ներկայացրել է քրիստոնեական հավատի կարևորությունը հայ ժողովրդի համար՝ ընդգծելով, որ դարեր շարունակ հավատքը և հայ եկեղեցին համախմբող դերակատարում են ունեցել մեր պատմության ընթացքում։
Դեսպանն անդրադարձել է նշված բնագավառում առկա մարտահրավերներին և խնդիրներին, որոնց բախվում է Հայաստանը մեր տարածաշրջանում։
Կողմերը քննարկել են մարդու իրավունքներին և հումանիտար խնդիրներին վերաբերող հարցեր։
Քննարկվել է Հայաստանի և ՄԹ-ի փոխգործակցության հնարավորությունները Կրոնական ազատության միջազգային դաշինքի շրջանակներում, որի գլոբալ գագաթնաժողովը նախատեսված է այս տարվա հուլիսին Լոնդոնում։
