17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Պետական մարմինները հատուկ են ցանկանում Դավիթ Տոնոյանի և մյուսների գործով նիստը դռնփակ անել․ պաշտպան
Հասարակություն
19.01.2022 | 18:03
Դատարանը հայտնեց, որ դռնփակ է նիստն անցկացվելու, մենք միջնորդեցինք, որ դռնբաց դատական նիստ կայանա, նշեցինք, որ լրագրողներ են սպասում, որպեսզի հանրության համար բաց լինի նիստը, բայց մերժվեց միջնորդությունը։ Այս մասին լրագրողների հետ զրույցում հայտնեց Զինված ուժերին հրթիռների մատակարարման գործով մեղադրյալ, ԶՈւ Ավիացիայի վարչության նախկին պետ Ավետիք Մուրադյանի պաշտպան Երեմ Սարգսյանը։
«Պաշտպանական կողմը պայքարում էր, որ նիստը դռնբաց լինի, որ բոլորը տեսնեն՝ ինչ է եղել իրականում, տեսնեն՝ արդյո՞ք համապատասխանում է իրականությանն այն ամենը, ինչ ներկայացվել է նախաքննական փուլում։ Ցավոք, դատարանը մնաց դռնփակ դատական նիստ անցկացնելու իր դիրքորոշմանը, մենք նույնիսկ միջնորդեցինք, որ կարող է մասնակի դռնփակ արվել, խնդրում էինք մեջբերել այն տվյալները, որոնք գաղտնիք են, իսկ գաղտնիք լինելը դեռ չի նշանակում դռնփակ ռեժիմ, եթե դա չի սպառնում պետական անվտանգությանը, իսկ այն ամենը, ինչը կարող էր սպառնալիք լինել, պետական մարմինները հրապարակել են առաջին օրվանից, այն ամենը, ինչ թշնամին կարող էր իմանալ, պետական մարմինները հրապարակել են արդեն… Պետական մարմինները հատուկ են ցանկանում, որ այս դատական նիստը դռնփակ լինի»,- նշեց Սարգսյանը:
Մանրամասները՝ տեսանյութում:
