Բաքվում չեն հանդարտվում․ Ադրբեջանի Մեջլիսը Ֆրանսիայի ԱԳ նախարարից պահանջել է ներողություն խնդրել Ալիևից

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Ադրբեջանի Միլլի Մեջլիսում անդրադարձել են Ֆրանսիայի ԱԳ նախարար Ժան-Իվ Լը Դրիանի հայտարարությանը, որով ֆրանսիացի դիվանագետն անընդունելի է համարել Իլհամ Ալիևի հայտարարությունները Ֆրանսիայի նախագահի թեկնածու Վալերի Պեկրեսի հասցեին։

Ադրբեջանական լրատվամիջոցների հաղորդմամբ՝ Մեջլիսի միջազգային հարաբերությունների հանձնաժողովի նախագահ Սամեդ Սեիդովը ելույթով է հանդես եկել՝ հայտարարելով, թե Լը Դրիանը դիվանագետին ոչ հարիր հայտարարություն է արել, որը հակասում է միջազգային իրավունքին։

«Ադրբեջանի նախագահ Իլհամ Ալիևն իր իրավացի դիրքորոշումն է արտահայտել Ղարաբաղ Վալերի Պեկրեսի անօրինական այցի կապակացությամբ։ Նման արհամարհական դիրքորոշումն Ադրբեջանի տարածքային ամբողջականության և ինքնիշխանության հիմնարար սկզբունքների նկատմամբ անընդունելի է, և դրան կոշտ արձագանքը բնական է, տրամաբանական և ճիշտ»,- ասել է Սեիդովը՝ հիմնականում կրկնելով Ադրբեջանի ԱԳՆ տարածած հայտարարությունը։

Նա նշել է, որ Պեկրեսի Արցախ այցը ոչ միայն հարված է հասցնում Ադրբեջանի հետ հարաբերություններին, այլև սադրիչ քայլ է՝ ուղղված Կովկասյան տարածաշրջանում կայունության և զարգացման խաթարմանը։

Սեիդովն ասել է, թե «բացարձակապես անընդունելի է» նախարար Լը Դրիանի կողմից այլ երկրի ղեկավարի հայտարարությունն անհիմն ու կոպիտ մեկնաբանելը և կոչ արել Ֆրանսիայի խորհրդարանի անդամներին՝ վերջ դնել «հանցավոր գործողություններին»։

«Ադրբեջանի խորհրդարանը, ինչպես միշտ, աջակցում է մեր նախագահի աշխատանքին այդ ուղղությամբ, կոչ է անում Ֆրանսիայի խորհրդարանի անդամներին՝ վերջ դնել նման հանցավոր գործողություններին, որոնք կոպտորեն խախտում են միջազգային օրենսդրությունը։ Խորհուրդ ենք տալիս Ադրբեջանի ԱԳՆ-ին դիմում ուղարկել Ֆրանսիայի Եվրոպական և արտաքին գործերի նախարար Ժան-Իվ Լը Դրիանին՝ պահանջելով հերքել իր ոչ դիվանագիտական հայտարարությունը և ներողություն խնդրել Ադրբեջանի Հանրապետության նախագահից»,- հայտարարել է Սեիդովը։
Հավելենք, որ մինչ այս էլ Ադրբեջանի ԱԳՆ-ն էր Ֆրանսիայի ԱԳՆ-ին ուղղված նման հայտարարություն տարածել։
Նշենք, որ Ֆրանսիայի խորհրդարանում հարցուպատասխանի ժամանակ Ժան Իվ Լը Դրիանն ասել էր, որ Ադրբեջանի նախագահի հայտարարությունները ձևով և բովանդակությամբ անընդունելի են՝ նշելով, որ այդ մասին հայտնել է Ֆրանսիայում Ադրբեջանի դեսպանին։

Հիշեցնենք՝ ավելի վաղ Վալերի Պեկրեսի գլխավորած պատվիրակությունն այցելել էր Արցախի Հանրապետություն։ Այս առնչությամբ Ադրբեջանի նախագահ Իլհամ Ալիևը հայտարարել էր, որ եթե Բաքուն տեղյակ լիներ Պեկրեսի ու նրա պատվիրակության այցից, ապա «նրանց չէին թողնի վերադառնալ»։ Պատասխանելով Ալիևին՝ Պեկրեսը նշել է, որ նման սպառնալիքներն իրեն չեն վախեցնում։ Միաժամանակ, ֆրանսիացի պատգամավորները դիմել են նախագահ Էմանուել Մակրոնին՝ կոչ անելով քայլեր ձեռնարկել՝ Պեկրեսի հասցեին Ալիևի հնչեցրած սպառնալիքներին ի պատասխան։

Էմմա Չոբանյան