10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Գնել Սանոսյանը էներգետիկայի ոլորտի հարցերով խորհրդակցություն է անցկացրել
Տնտեսություն
19.01.2022 | 10:53
ՀՀ Տարածքային կառավարման և ենթակառուցվածքների նախարար Գնել Սանոսյանը երեկ էներգետիկայի ոլորտի հարցերով խորհրդակցություն է անցկացրել. տեղեկացնում են ՏԿԵ նախարարությունից:
Մասնավորապես քննարկվել են էներգետիկ համակարգի պետական բաժնեմասով ընկերությունների կողմից
2022թ․-ին իրականացվող ծրագրերը և ընթացիկ աշխատանքները։ Քննարկվել են ընկերությունների
գործունեության արդյունավետության բարձրացման վերաբերյալ հարցեր։
Ընկերությունների գլխավոր տնօրենները ներկայացրել են իրենց կողմից իրականացվող ծրագրերի ընթացքը և առկա խնդիրները։
Անդրադարձ է կատարվել 2022թ․ փետրվարի 1-ից գործարկվող էլեկտրաէներգետիկական շուկայի նախապատրաստական աշխատանքներին։
Նախարարի կողմից տրվել են հստակ ցուցումներ և հանձնարարականներ ծրագրերի իրականացման
ինտենսիվությունը բարձրացնելու և դրանք սահմանված ժամկետներում և պատշաճ որակով իրականացնելու
վերաբերյալ։
