29.07.2026 | 21:57
Քննարկվել են ՀՀ ԶՈՒ-ի և ԿԽՄԿ համագործակցության հիմնական ուղղություններին առնչվող հարցեր
Պաշտոններ՝ ավագանու մանդատներիից հրաժարված «Բալասանյան դաշինք»-ի անդամներին
Քաղաքականություն
14.01.2022 | 19:53
Գյումրու նախկին փոխքաղաքապետ Հայկ Սուլթանյանը, որը «Բալասանյան դաշինք» սոցիալական կուսակցության ավագանու ցանկում զբաղեցնում էր երկրորդ տեղը, դեկտեմբերի վերջին հրաժարվեց ավագանու իր մանդատից։
Նա, մեր տեղեկություններով, օրերս նշանակվել է Գյումրու համայնքապետ Վարդգես Սամսոնյանի գլխավոր խորհրդական։ Հայկ Սուլթանյանի հետ կապ հաստատել չհաջողվեց, նրա հեռախոսահամարը տևական ժամանակ է՝ անջատված է, սակայն Գյումրու համայնքապետարանի աշխատակազմի գլխավոր քարտուղար Կարեն Բադալյանը հաստատեց մեր տեղեկությունը։
Մանդատից հրաժարվել է նաև «Բալասանյան դաշինք» սոցիալական կուսակցության մեկ այլ ավագանու անդամ՝ Սոնա Առաքելյանը։ Նա նշանակվել է Գյումրու համայնքի ղեկավարի մամուլի քարտուղար։
Նշենք, որ Սոնա Առաքելյանը նախկին համայնքապետ Սամվել Բալասանյանի մամուլի քարտուղարն էր։ Թե՛ Հայկ Սուլթանյանը և թե՛ Սոնա Առաքելյան անկուսակցական են։
Մանդատներից հրաժարված ավագանու անդամների փոխարեն ավագանու կազմում ընդգրկվել են պարուսույց, Գյումրու համայնքապետարանի մանկապատանեկան արվեստի պալատի «Անի» պարային համույթի գեղարվեստական ղեկավար Սենիկ Խուբեսարյանը և Գևորգ Մելիքյանը։
Արմիկ Մովսիսյան
