10.10.2026 | 11:55
Արուսյակ Ջուլհակյանը կմեկնի Նյու Յորք
Դատավորների արտահերթ ընդհանուր ժողովի օրակարգը սպառվեց․ Արդարադատության ակադեմիայի կառավարման խորհրդի անդամներն ընտրվեցին
Քաղաքականություն
14.01.2022 | 17:59
Արդարադատության ակադեմիայի կառավարման խորհրդի դատավոր անդամներ ընտրվեցին քաղաքացիական մասնագիտացմամբ Լիլիթ Սարգսյանը՝ 132 ձայնով և քրեական մասնագիտացմամբ Անդրանիկ Մնացականյանը՝ 176 ձայնով: Այս մասին Factor.am-ին տեղեկացրեց Բարձրագույն դատական խորհրդի տեղեկատվության և հասարակայնության հետ կապերի վարչության պետ Լիլիթ Շաբոյանը։
Հիշեցնենք՝ Այսօր ժամը 14։00-ից ընթանում էր Դատավորների արռահերթ ընդհանուր ժողովը։ Նիստի օրակարգում ընդգրկված էր Արդարադատության ակադեմիայի կառավարման խորհրդի դատավոր անդամների ընտրության հարցը (2 անդամների՝ քաղաքացիական և քրեական մասնագիտացմամբ)։
Քիչ անց կգումարվի նաև Դատավորների միության ժողովի նիստ, որի օրակարգում միության նախագահի և երկու տեղակալների ընտրության հարցն է։ Դատավորների միության նախագահի պաշտոնին հավակնող թեկնածուները երկուսն են՝ Վերաքննիչ քրեական դատարանի դատավոր Ալեքսանդր Ազարյանը և Վճռաբեկ դատարանի քրեական պալատի դատավոր Ելիզավետա Դանիելյանը։
Մի խումբ դատավորներ արդեն իսկ հայտարարել են, որ անվերապահորեն աջակցելու են դատավոր Ազարյանի թեկնածությունը։ Նշենք՝ մի քանի տարի է, ինչ Ազարյանը լավագույն դատավորների հնգյակում է։
Ռոզա Վարդանյան
