07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ՌԴ ԱԳՆ-ն կոչ է արել Թուրքիային՝ զերծ մնալ Ղազախստանի վերաբերյալ չմտածված հայտարարություններից և «պղտոր ջրում ձուկ չորսալ»
Քաղաքականություն
13.01.2022 | 20:21
Մոսկվան ակնկալում է, որ Թուրքիան զերծ կմնա Ղազախստանի վերաբերյալ չմտածված հայտարարություններից և չի փորձի «ձուկ որսալ պղտոր ջրում»։Այս մասին իր ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք ակնկալում ենք, որ թուրք պաշտոնյաներն այսուհետ զերծ կմնան բարձրաձայն նման չմտածված դատողություններից»,- ասել է նա՝ մեկնաբանելով թուրքական իշխանությունների ներկայացուցչի հայտարարությունը, որով նա Ղազախստանը նկարագրել է որպես երկիր, որն «առաջին անգամ ազատվել է խորհրդային ճնշումից և այժմ որոշ ուժեր նորից սպառնում են նրան անիմաստ լծի տակ դնել»։
«Ղազախստանի համար այս ողբերգական, դժվարին, արտառոց իրավիճակը պահանջում էր ջանքերի համադրում, և միանշանակ չպետք է դիտարկվի որպես պղտոր ջրում ձուկ բռնելու հնարավորություն»,- հավելել է Զախարովան։
Տաթև Ֆռանգյան
