19.05.2026 | 19:17
Հրապարակվել է Հայաստանի և Լիտվայի միջև ռազմավարական գործընկերության մասին համատեղ հռչակագրի տեքստը
ԵԱՀԿ մամուլի ազատության ներկայացուցիչը Ղազախստանին կոչ է արել հարգել ԶԼՄ-ների և տեղեկատվության ազատությունը
Քաղաքականություն
12.01.2022 | 22:06
ԵԱՀԿ մամուլի ազատության ներկայացուցիչ Թերեզա Ռիբեյրոն Ղազախստանի իշխանություններին կոչ է արել ապահովել լրագրողների համար անվտանգ աշխատանքային պայմաններ և վերականգնել ինտերնետի հասանելիությունը երկրում։ Այս մասին ասված է ԵԱՀԿ պաշտոնական կայքէջում։
ԵԱՀԿ ԶԼՄ-ների ազատության հարցերով ներկայացուցչության տվյալների համաձայն՝ Ղազախստանում տեղի ունեցած վերջին իրադարձությունների ֆոնին տեղեկություններ են ստացվել ողջ երկրում ԶԼՄ-ների աշխատակիցների կարճատև կալանավորման և Ղազախստան արտասահմանյան թղթակիցների մուտքի մերժման մասին:
«Լրատվամիջոցները գոյություն ունեն հանրությանը ազատ, ազնիվ և անկախ ձևով իրազեկելու համար: Սա կարևոր գործառույթ է ցանկացած հասարակության համար: Հետևաբար, լրագրողները պետք է կարողանան անվտանգ իրականացնել իրենց աշխատանքը՝ անկախ հանգամանքներից», – ասվում է Ռիբեյրոյի տարածած հայտարարության մեջ:
Նրա խոսքով՝ առցանց և օֆլայն տեղեկատվության անսահմանափակ հասանելիությունը հանրային անվտանգության կարևոր տարր է և պետք է հարգվի:
«Ես կոչ եմ անում Ղազախստանի իշխանություններին պահպանել, պաշտպանել և խթանել ԶԼՄ-ների ազատությունը երկրում՝ հանուն ինչպես երկրի, այնպես էլ ԵԱՀԿ տարածաշրջանի լավ և համապարփակ անվտանգության»,- ասված է հայտարարության մեջ։
Տաթև Ֆռանգյան
