24.04.2026 | 23:32
Կապանում ջրանջատում կլինի
Թուրքիայի ՊՆ ղեկավարը բողոքել է Անկարայի դեմ ՆԱՏՕ-ի դաշնակիցների զենքի էմբարգոյից
Քաղաքականություն
11.01.2022 | 23:32
Թուրքիայի պաշտպանության նախարար Հուլուսի Աքարը հայտարարել է, որ ՆԱՏՕ-ի որոշ երկրներ թուլացնում են դաշինքը՝ հրաժարվելով Թուրքիային ռազմական բաղադրամասեր վաճառելուց, գրում է Ահվալ գործակալությունը։
Հիշեցնենք, որ ԱՄՆ-ն պատժամիջոցներ է սահմանել Թուրքիայի ռազմաարդյունաբերական համալիրի պաշտոնյաների նկատմամբ ու Անկարային հեռացրել F-35 կործանիչների ծրագրից ռուսական C-400 հակակարգերի գնման պատճառով։ Կանադան էլ իր հերթին անցյալ տարվա ապրիլից չեղարկել է անօդաչու թռչող սարքերի տեխնոլոգիաների արտահանումը Թուրքիա՝ Արցախյան պատերազմում դրանց օգտագործման պատճառով։ Դեռ 2019թ-ին, երբ Թուրքիան Սիրիայի հյուսիսարևելքում գործողություն սկսեց քրդերի դեմ, Կանադան միացավ եվրոպական երկրներին՝դադարեցնելով զենքի մատակարարումները։
Այսուհանդերձ, Աքարըն ասել է, որ ԱՄՆ-ի հետ բանակցությունները F-35 կործանիչների շուրջ շարունակվում են։ Բացի այդ Թուրքիան նաև ցանկանում է ձեռք բերել F-16-ի արդիականացման համալիրներ։
Թուրք նախարարը նաև խոսել է Ռուսաստանի ու Ուկրաինայի միջև աճող լարվածությունից՝ նշելով, որ ցանկանում են վեճը լուծվի խաղաղ ճանապարհով։
«Մեր տեսլականը հենց սկզբից սա է՝ մենք խաղաղության կողմակից ենք, բանակցությունների միջոցով խնդիրների լուծմանը։ Եկեք չավելացնենք լարվածությունը, եկեք հեռու մնանք ցանկացած սադրիչ վարքագծից։ Այդ պատճառով մենք ասում ենք մեր զրուցակիցներին ՝շատ կարևոր է զգուշությամբ գործելը»,-ասել է Թուրքիայի պաշտպանական գերատեսչության ղեկավարը։
Էմմա Չոբանյան
