20.05.2026 | 22:00
Փաշինյանը որ այդ քարտեզը բաժանում է, անգամ այդտեղից են տարածքներ զիջել․ երկիրը կործանման են տարել. Մանուկ Սուքիասյան. ՏԵՍԱՆՅՈՒԹ
ԱՄՆ-ի և ՆԱՏՕ-ի ներկայացուցիչները քննարկել են ՌԴ-ի հետ բանակցությունները
Քաղաքականություն
11.01.2022 | 20:21
ԱՄՆ-ի պետքարտուղարի տեղակալ Ուենդի Շերմանը երեքշաբթի օրը՝ հունվարի 11-ին, հանդիպել է ՆԱՏՕ-ի գլխավոր քարտուղար Յենս Ստոլտենբերգի հետ, ում հետ քննարկել է ՌԴ-ՆԱՏՕ խորհրդի վաղվա նիստը։
«Ես և Յենս Ստոլտենբերգը հանդիպել ենք՝ քննարկելու ՆԱՏՕ-Ռուսաստան վաղվա խորհրդի նիստը և Ռուսաստանի գործողությունների անհրաժեշտությունը՝ իրավիճակը ապաէսկալացնելու համար», – գրել է նա Twitter-ում։
«Մենք վերահաստատեցինք ՆԱՏՕ-ի միասնական մոտեցումը Ռուսաստանի նկատմամբ, որը հավասարակշռում է զսպման և երկխոսության միջև, և ընդգծեցինք մեր շարունակական աջակցությունն Ուկրաինային», – ավելացրել է նա:
Չորեքշաբթի օրը Բրյուսելում կկայանա ՆԱՏՕ-Ռուսաստան խորհրդի 2019 թվականից ի վեր առաջին նիստը։ Քննարկվելու է Ռուսաստանի անվտանգության երաշխիքների թեման։ ՌԴ-ՆԱՏՕ խորհրդի նիստին Ռուսաստանը կներկայացնի փոխարտգործնախարար Ալեքսանդր Գրուշկոն։
Տաթև Ֆռանգյան
