06.08.2026 | 22:01
Կոնֆերենցիաների լիգա. «Նոան» ոչ-ոքի խաղաց «Սյոնի» հետ
Ադրբեջանն անցկացրել է 2022-ի առաջին զորավարժությունները
Քաղաքականություն
10.01.2022 | 14:34
Մարտական պատրաստվածության պլանի համաձայն՝ Ադրբեջանի ցամաքային զորքերի զորամասերից մեկում անցկացվել են 2022թ-ի առաջին ուսումնամարզական զորավարժությունները, հայտնում են ադրբեջանական լրատվամիջոցները՝վկայակոչելով ՊՆ-ին։
«Զորավարժությունների ընթացքում, որոնց անցկացման նպատակը անձնակազմերի տակտիկական հմտությունների կատարելագործումն է խստաշունչ կլիմայական պայմաններում ու դժվար ռելիեֆային տեղանքում, ինչպես նաև կոմանդոս ստորաբաժանումների հետագա մարտունակության բարձրացումը, բոլոր առաջադրանքները հաջողությամբ կատարվել են»,-ասվում է հայտարարության մեջ։
Նշենք, որ 44-օրյա պատերազմից հետ Ադրբեջանը Արցախի գրավյալ տարածքներում շարունակում է նոր զորամասեր բացել։ Վերջին նման զորամասի բացումը տեղի էր ունեցել դեկտեմբերի 24-ին հայկական գրավյալ Հադրութում Ադրբեջանի նախագահ Իլհամ Ալիևի մասնակցությամբ։ Ավելի վաղ ադրբեջանական լրատվամիջոցներում հայտնված տեղեկությունները թույլ են տալիս եզրակացնել, որ ևս երկու նման զորամաս է բացվել։
Էմմա Չոբանյան
