10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Ժնևում մեկնարկել է ԱՄՆ-ի և ՌԴ-ի միջև Ռազմավարական կայունության երկկողմ երկխոսության արտահերթ նիստը
Քաղաքականություն
10.01.2022 | 14:16
ԱՄՆ Պետքարտուղար Էնթոնի Բլինքենի տեղակալ Ուենդի Շերմանը հայտարարել է, որ Ժնևում ընթանում է ԱՄՆ և ՌԴ միջև Ռազմավարական կայունության երկկողմ երկխոսության արտահերթ նիստը։ Այս մասին Շերմանը գրել է Twitter-ի իր էջում։
«ԱՄՆ-ը կլսի Ռուսաստանի մտահոգությունները, կհայտնենք նաև մեր մտահոգությունները, բայց մենք հստակ ասել ենք, որ չենք քննարկի եվրոպական անվտանգությունն առանց մեր դաշնակիցների և գործընկերների»,- գրել է նա:
Հիշեցնենք, որ Միացյալ Նահանգների պետքարտուղարի տեղակալ Ուենդի Շերմանը կիրակի օրը Ժնևում հանդիպել էր Ռուսաստանի փոխարտգործնախարար Սերգեյ Ռյաբկովի հետ։ ԱՄՆ պետքարտուղարի տեղակալը և ՌԴ փոխարտգործնախարարը քննարկել էին փոխադարձ հետաքրքրություն ներկայացնող հարցեր, որոնց կողմերը կանդրադառնան Ռազմավարական կայունության երկխոսության շրջանակում արտակարգ հանդիպման ժամանակ։
Տաթև Ֆռանգյան
