09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Կարմրաքարում ՀՀԿ-ական թեկնածուն ընտրվել է 14 ձայնով
Քաղաքականություն
19.06.2017 | 12:50
Հունիսի 18-ին տեղի ունեցած տեղական ինքնակառավարման ընտրությունների արդյունքում Շիրակի մարզի Կարմրաքար համայնքում 14 ձայնով հաղթել է համայնքի գործող ղեկավար, Հանրապետական կուսակցության անդամ (ՀՀԿ) Արթուր Մաթևոսյանը: Այս մասին Factor.am-ին տեղեկացրեց Մաթևոսյանը:
Նրա ներկայացրած տվյալներով՝ համայնքի 42 ընտրողից ընտրությանը մասակցել են 15-ը, մեկ քվեաթերթիկ անվավեր է ճանաչվել, մնացած 14-ը քվեարկել են իր օգտին: Նշենք, որ Արթուր Մաթևոսյանը համայնքի ղեկավարի միակ թեկանծուն էր: Իր թեկնածությունն առաջադրել էր նաև անկուսակցական Էդգար Կարապետյանը, որը մինչ ընտրություններն ինքնաբացարկի դիմում էր ներկայացրել:
Համայնքի ղեկավար Մաթևոսյանի գնահատմամբ՝ նորմալ է, որ 14 ընտրող է մասնակցել ընտրություններին, որովհետև կարմրաքարցիների մնացած ընտրողները մեկնել են արտագնա աշխատաքի:
Հիշեցնենք՝ հունիսի 18-ին հանրապետության մի շարք համայնքներում անցկացվել են համայնքի ղեկավարի և ավագանու ընտրություններ: Կոտայքի մարզի Նոր Հաճնում՝ քաղաքապետի, Կոտայքի մարզի Պռոշյան, Արմավիրի մարզի Տարոնիկ, Արագածոտնի մարզի Մեծաձորում, Արարատի մարզի՝ Սուրենավանում, Շիրակի մարզի Հովիտ, Բայանդուր, Կարմրաքար, Արագածոտնի՝ Սաղմոսավան համայնքներում՝ համայնքի ղեկավարի, իսկ Գեղարքունիքի Ազատ համայնքում՝ ավագանու անդամի ընտրություններ:
Շողիկ Գալստյան
