02.05.2025 | 08:00
ՀՀ-ն մամուլի ազատության ինդեքսով տարածաշրջանում առաջատարն է՝ 9 տեղով բարելավելով դիրքը․ հրապարակվել է RSF-ի զեկույցը
Հին մեքենաները հունվարի 1-ից կարող են տալ դիլերներին և վերցնել նորը. Վահան Քերոբյան. ՏԵՍԱՆՅՈՒԹ
Տնտեսություն
05.01.2022 | 11:35
«Հունվարի 1-ից ուժի մեջ է մտել ավտոմեքենաների թրեյդինի մասին օրենքը»,- այս մասին Կառավարության այսօրվա նիստում տեղեկացրեց Էկոնոմիկայի նախարար Վահան Քերոբյանը:
« Դա, ըստ էության, թույլ է տալիս, որ մարդիկ իրենց հին մեքենաները տան ավտոդիլերներին և փոխարենը վերցնեն նոր մեքենաներ: Մենք անցած տարի կարգավորումները փոխեցինք այնպես, որպեսզի հարկային տեսանկյունից դա գրավիչ լինի: Օրենքն արդեն ուժի մեջ է՝ բոլոր կարգավորումներով: Ճիշտ է, հիմա նոր մեքենաների մի փոքր դեֆիցիտ կա, բայց կարծում եմ՝ ժամանակի ընթացքում ավտոդիլերները նոր լավ ծառայություններ կառաջարկեն մարդկանց, որպեսզի նրանք կարողանան հեշտությամբ փոխել, թարմացնել իրենց մեքենաները»,- ասաց նախարարը:
Վարչապետ Նիկոլ Փաշինյանը հավելեց, որ նախկինում էլ չէր արգելվում, որ մարդն իր հին մեքենան տա, նորը վերցնի. «Ուղղակի հարկեր էին առաջանում, որոնք գործարքի գրավչությունը գցում էին: Մենք օրենսդրական կարգավորմամբ այնպես արեցինք, որ այդ եղանակով նոր մեքենա ձեռք բերելն ավելի գրավիչ լինի քաղաքացիների համար:
Մանրամասները՝ տեսանյութում:
