17.05.2026 | 21:47
Ըմբիշ Ավետիք Թութխալյանը դարձել է Մ-17 ԵԱ բրոնզե մեդալակիր
ԱԺ ՔՊ խմբակցության 2 պատգամավոր հրաժարականի դիմում է ներկայացրել
Քաղաքականություն
04.01.2022 | 19:49
ՀՀ ազգային ժողովի «Քաղաքացիական պայմանագիր» խմբակցության 2 պատգամավոր` Սեդրակ Թևոնյանն ու Սերգեյ Մովսիսյանն այսօր հրաժարականի դիմումներ են ներկայացրել։ Այս մասին տեղեկանում ենք ՀՀ ազգային ժողովի մամուլի ծառայությունից։
ՀՀ ԱԺ նախագահ Ալեն Սիմոնյանը հայտարարություններ է տարածել այդ առնչությամբ, որոնցում, մասնավորապես ասվում է.
«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո` մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում եւ հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»:
