07.05.2025 | 13:37
Հարմարեցված բանալիով բացել էր սրճարանի դուռն ու գողություն արել․ Վաղարշապատի ոստիկանների բացահայտումը
ՔՊ-ն Վարդենիսում բացահայտ հաղթանակ է տարել, ես թույլ չեմ տվել, որ այս խեղկատակությունը տեղի ունենա. ՏԵՍԱՆՅՈւԹ
Քաղաքականություն
04.01.2022 | 13:51
Ես գործող քաղաքապետն եմ և ինքս ավագանու անդամներին թույլ չտվեցի մտնել համայնքապետարան, որպեսզի այս խեղկատակությունը տեղի չունենա վարչական շենքում։ Այս մասին Factor.am-ի հարցին ի պատասխան՝ ասաց Վարդենիսի համայնքապետի «Քաղաքացիական պայմանագիր» կուսակցության թեկնածու Արամ Մելքոնյանը։
Մելքոնյանը նշեց, որ ավագանու անդրանիկ նիստը չի կայացել, արձանագրություն էլ չի կազմվել։
«Դեկտեմբերի 30-ին տեղի ունեցած խեղկատակությունը դատարանում ընդունված է վարույթ։ «Քաղաքացիական պայմանագիր» կուսակցությունը Վարդենիսում տարել է բացահայտ առավելությամբ ձայներով հաղթանակ։ Ընդդիմությունը խաբել է մարդկանց»,- հայտարարեց Մելքոնյանը։
Ինչո՞ւ ՔՊ-ն չի մասնակցել դեկտեմբերի 30-ին տեղի ունեցած ավագանու նիստին հարցին Արամ Մելքոնյանը չպատասխանեց։
Հավելենք նաև, որ Մելքոնյանը ընդդիմությանն առաջարկել էր վայր դնել մանդատները և նոր ընտրություններ անցկացնել։
Մանրամասները՝ տեսանյութում։
Արփի Հակոբյան
